اتىراۋدا بەت-اۋزىن تۇمشالاپ، تۋ ۇستاپ سۋرەتكە تۇسكەندەر قىزۋ تالقىعا ءتۇسىپ جاتىر. ولارعا قانداي جازا ءتونىپ تۇرعانى بەلگىلى بولدى، – دەپ حابارلايدى Dalanews.kz.
پوليسيا مالىمدەمەسى
اتىراۋ پوليسيا دەپارتامەنتى مالىمەتىنشە، الەۋمەتتىك جەلىلەردە تاراعان سۋرەتكە قاتىستى مەملەكەتتىك رامىزدەردى قورلاۋ تۋرالى باپ بويىنشا قىلمىستىق ءىس قوزعالعان.
"سۋرەتتەگى ءتورت كۇدىكتى انىقتالىپ، پوليسياعا جەتكىزىلدى. تەرگەۋ مۇددەسى ءۇشىن وزگە اقپارات جاريالانبايدى"، - دەدى پوليسيا بۇعان دەيىن.
جەرگىلىكتى پاراقشالاردىڭ مالىمەتىنە سۇيەنسەك، سۋرەتتەگى ءتورت ادامنىڭ ەكەۋى - كامەلەت جاسىنا تولماعاندار.
جەلىدە داۋ تۋدىرعان سۋرەت نە تۋرالى؟
سۋرەتتەگىلەر ساۋد ارابياسى تۋىنىڭ ەلەمەنتتەرى بار قازاقستان تۋىن ۇستاپ تۇرعانى كورىنەدى. ال سۋرەت اتىراۋ قالاسىنداعى حيۋاز دوسپانوۆا اتىنداعى مۇز سارايىندا تۇسىرىلگەن بولۋى مۇمكىن.
قۇقىق قورعاۋ ورگاندارى بولعان وقيعانىڭ ءمان-جايىن انىقتاپ جاتىر. تەرگەۋ بارىسىندا ۇستالعاندارعا كوپتەگەن سۇراق قويىلۋى مۇمكىن: بۇل تۋدى قايدان الدى، ونى قانداي ماقساتتا پايدالاندى جانە نەگە الەۋمەتتىك جەلىلەردە جاريالادى، ت.س.س.؟
قانداي جازا ءتونىپ تۇر؟
قازاقستان زاڭناماسىنا سايكەس مەملەكەتتىك رامىزدەردى قورلاۋ قىلمىستىق جاۋاپكەرشىلىككە اكەپ سوعادى.
قىلمىستىق كودەكستىڭ 372-بابى بويىنشا مۇنداي ارەكەت ءۇشىن ءۇش مىڭ ايلىق ەسەپتىك كورسەتكىشكە دەيىن ايىپپۇل سالۋ، سول سوماعا تۇزەۋ جۇمىستارى، 900 ساعاتقا دەيىن قوعامدىق جۇمىستار، ەكى جىلعا دەيىن باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ جازاسى كوزدەلگەن.
