Atyraýda bet-aýzyn tumshalap, Tý ustap sýretke túskender qyzý talqyǵa túsip jatyr. Olarǵa qandai jaza tónip turǵany belgili boldy, – dep habarlaidy Dalanews.kz.
Politsiia málimdemesi
Atyraý Politsiia departamenti málimetinshe, áleýmettik jelilerde taraǵan sýretke qatysty memlekettik rámizderdi qorlaý týraly bap boiynsha qylmystyq is qozǵalǵan.
"Sýrettegi tórt kúdikti anyqtalyp, politsiiaǵa jetkizildi. Tergeý múddesi úshin ózge aqparat jariialanbaidy", - dedi politsiia buǵan deiin.
Jergilikti paraqshalardyń málimetine súiensek, sýrettegi tórt adamnyń ekeýi - kámelet jasyna tolmaǵandar.
Jelide daý týdyrǵan sýret ne týraly?
Sýrettegiler Saýd Arabiiasy týynyń elementteri bar Qazaqstan Týyn ustap turǵany kórinedi. Al sýret Atyraý qalasyndaǵy Hiýaz Dospanova atyndaǵy Muz saraiynda túsirilgen bolýy múmkin.
Quqyq qorǵaý organdary bolǵan oqiǵanyń mán-jaiyn anyqtap jatyr. Tergeý barysynda ustalǵandarǵa kóptegen suraq qoiylýy múmkin: bul Týdy qaidan aldy, ony qandai maqsatta paidalandy jáne nege áleýmettik jelilerde jariialady, t.s.s.?
Qandai jaza tónip tur?
Qazaqstan zańnamasyna sáikes memlekettik rámizderdi qorlaý qylmystyq jaýapkershilikke ákep soǵady.
Qylmystyq kodekstiń 372-baby boiynsha mundai áreket úshin úsh myń ailyq eseptik kórsetkishke deiin aiyppul salý, sol somaǵa túzeý jumystary, 900 saǵatqa deiin qoǵamdyq jumystar, eki jylǵa deiin bas bostandyǵyn shekteý nemese sol merzimge bas bostandyǵynan aiyrý jazasy kózdelgen.
