دەر كەزٸندە مەديتسينالىق كٶمەك كٶرسەتٸلگەنمەن, ەر ادامدى امان الىپ قالۋ مٷمكٸن بولمادى.
21 اقپاندا مەردٸگەر كومپانييانىڭ بۇل قىزمەتكەرٸ ٶزٸن جايسىز سەزٸنٸپ تۇرعانىن ايتىپ, مەديتسينالىق بەكەتكە بارىپ كٶرٸنگەن. ونىڭ قان قىسىمى كٶتەرٸلٸپ تۇرعانى انىقتالىپ, مەديتسينالىق كٶمەك كٶرسەتٸلگەن. تاڭەرتەڭ ول اسحاناعا بارا جاتقان جولدا ەسٸنەن تانىپ, قايتىس بولدى. دەرٸگەرلەر ميداعى قان اينالىمىنىڭ بۇزىلۋى سالدارىنان وسىنداي قايعىلى جاعداي تٸركەلگەنٸن ايتتى.
زەرتحانالىق تەكسەرۋ دە مارقۇمدا ميدىڭ قان اينالىمى جٷيەسٸ قاتتى بۇزىلعانىن كٶرسەتتٸ.
كومپانييانىڭ باسپاسٶز قىزمەتٸ مارقۇمدا كوروناۆيرۋستىڭ بەلگٸلەرٸ بولماعانىن, ياعني دەنە قىزۋى كٶتەرٸلمەگەنٸن, جٶتەلٸپ نەمەسە تاماعى قىزارماعانىن ايتتى. قاراباتانداعى كەشەن قۇرىلىسىنا تارتىلعان كومپانييالار ٶز جۇمىسشىلارىنىڭ دەنساۋلىعىن ٷنەمٸ قاداعالاپ وتىرادى.
