Der kezinde meditsinalyq kómek kórsetilgenmen, er adamdy aman alyp qalý múmkin bolmady.
21 aqpanda merdiger kompaniianyń bul qyzmetkeri ózin jaisyz sezinip turǵanyn aityp, meditsinalyq beketke baryp kóringen. Onyń qan qysymy kóterilip turǵany anyqtalyp, meditsinalyq kómek kórsetilgen. Tańerteń ol ashanaǵa bara jatqan jolda esinen tanyp, qaitys boldy. Dárigerler midaǵy qan ainalymynyń buzylýy saldarynan osyndai qaiǵyly jaǵdai tirkelgenin aitty.
Zerthanalyq tekserý de marqumda midyń qan ainalymy júiesi qatty buzylǵanyn kórsetti.
Kompaniianyń baspasóz qyzmeti marqumda koronavirýstyń belgileri bolmaǵanyn, iaǵni dene qyzýy kóterilmegenin, jótelip nemese tamaǵy qyzarmaǵanyn aitty. Qarabatandaǵy keshen qurylysyna tartylǵan kompaniialar óz jumysshylarynyń densaýlyǵyn únemi qadaǵalap otyrady.
