اتىراۋدا قارۋى بار سارباز ەسكەري بٶلٸمنەن قاشىپ كەتكەن, - دەپ حابارلايدى Dalanews.kz.
بۇعان دەيٸن بۇقارالىق اقپارات قۇرالدارى 8 مامىرعا قاراعان تٷنٸ سارباز قارۋ-جاراق, وق-دەرٸلەرمەن ەسكەري بٶلٸمنەن قاشىپ كەتكەنٸن حابارلادى. ەسكەري بٶلٸمدە ونى ۇستاۋعا تىرىسقانىمەن, سارباز وق جاۋدىردى دەگەن دە اقپاراتتار تارادى. ەلەۋمەتتٸك جەلٸلەردە دە ەسكەري بٶلٸمنەن قاشىپ كەتكەن سارباز تۋرالى مەلٸمەت تاراعان بولاتىن. 41433 ەسكەري بٶلٸمٸنٸڭ ساربازى اۆتومات پەن 60 وق الىپ, كەتٸپ قالعانى ايتىلدى.
وقيعا 8 مامىردا اتىراۋ گارنيزونىنىڭ ەسكەري بٶلٸمدەرٸنٸڭ بٸرٸندە بولعان.
"2024 جىلعى 8 مامىردا اتىراۋ گارنيزونىنىڭ ەسكەري بٶلٸمدەرٸنٸڭ بٸرٸندە مەرزٸمدٸ قىزمەتتەگٸ ەسكەري قىزمەتشٸ بەكٸتٸلگەن قارۋمەن قىسقا مەرزٸمگە ٶز بەتٸنشە شىعىپ كەتكەنٸ تۋرالى دەرەك تٸركەلدٸ", - دەدٸ اتىراۋ گارنيزونىنىڭ باسپاسٶز قىزمەتٸ ٶكٸلدەرٸ.
قازٸر ەسكەري قىزمەتشٸ بٶلٸم ورنالاسقان جەردە, زارداپ شەككەندەر جوق.
پوليتسييا دەپارتامەنتٸنٸڭ باسپاسٶز قىزمەتٸ ٶكٸلٸ دە بولعان وقيعاعا قاتىستى پٸكٸر بٸلدٸردٸ.
"قىزمەت ورنىنان قارۋمەن كەتۋ دەرەگٸ بويىنشا مەرزٸمدٸ ەسكەري قىزمەتشٸگە قاتىستى قىلمىستىق ٸس قوزعالدى. كٷدٸكتٸ ۇستالىپ, ۋاقىتشا ۇستاۋ يزولياتورىنا قاماۋعا الىندى. قازٸر تەرگەۋ جالعاسىپ جاتىر. تەرگەۋ مٷددەسٸ ٷشٸن ٶزگە اقپارات جارييا ەتٸلمەيدٸ", - دەپ جازىلعان حابارلامادا.
