Atyraýda qarýy bar sarbaz áskeri bólimnen qashyp ketken, - dep habarlaidy Dalanews.kz.
Buǵan deiin buqaralyq aqparat quraldary 8 mamyrǵa qaraǵan túni sarbaz qarý-jaraq, oq-dárilermen áskeri bólimnen qashyp ketkenin habarlady. Áskeri bólimde ony ustaýǵa tyrysqanymen, sarbaz oq jaýdyrdy degen de aqparattar tarady. Áleýmettik jelilerde de áskeri bólimnen qashyp ketken sarbaz týraly málimet taraǵan bolatyn. 41433 áskeri bóliminiń sarbazy avtomat pen 60 oq alyp, ketip qalǵany aityldy.
Oqiǵa 8 mamyrda Atyraý garnizonynyń áskeri bólimderiniń birinde bolǵan.
"2024 jylǵy 8 mamyrda Atyraý garnizonynyń áskeri bólimderiniń birinde merzimdi qyzmettegi áskeri qyzmetshi bekitilgen qarýmen qysqa merzimge óz betinshe shyǵyp ketkeni týraly derek tirkeldi", - dedi Atyraý garnizonynyń baspasóz qyzmeti ókilderi.
Qazir áskeri qyzmetshi bólim ornalasqan jerde, zardap shekkender joq.
Politsiia departamentiniń baspasóz qyzmeti ókili de bolǵan oqiǵaǵa qatysty pikir bildirdi.
"Qyzmet ornynan qarýmen ketý deregi boiynsha merzimdi áskeri qyzmetshige qatysty qylmystyq is qozǵaldy. Kúdikti ustalyp, ýaqytsha ustaý izoliatoryna qamaýǵa alyndy. Qazir tergeý jalǵasyp jatyr. Tergeý múddesi úshin ózge aqparat jariia etilmeidi", - dep jazylǵan habarlamada.
