وبلىستىڭ كاسىپكەرلىك جانە يندۋستريا باسقارماسىنىڭ مالىمەتى بويىنشا، بۇل بىلتىرعى جىلدىڭ ناق وسى كەزەڭىندەگى كورسەتكىشتىڭ 99،8 پايىزىن قۇراعان.
باسقارما باسشىسىنىڭ مىندەتىن اتقارۋشى قانىش مامبەتتىڭ اتاپ وتكەنىندەي، مۇنايلى وڭىردەگى - تەڭىز كەن ورنىنىڭ الۋەتى مول.
“اتىراۋداعى ەڭ ءىرى جوبا - تەڭىز كەن ورنى ەكەنى ەشكىمگە تاڭسىق ەمەس. بۇل كەنىشتە 13،5 ميلليون توننا مۇناي ءوندىرىلدى. كاسپييدىڭ قازاقستانعا قاراسى بولىگىن “يگەرىپ” جاتقان NCOC كومپانياسى وندىرگەن “قارا التىن” كولەمى 7،4 ميلليون توننا. ءوز كەزەگىندە “ەمبىمۇنايگاز” كومپانياسى بيىلدىڭ 6 ايىندا 1،2 ملن توننا مۇناي وندىرگەن”، – دەدى مامبەت.
ونىڭ اقپاراتىنا قاراعاندا تۇنەۋكۇنى توقايەۆ سىنعا العان اتىراۋ مۇناي وڭدەۋ زاۋىتىندا 6 ايدا 2588،7 توننا شيكىزاتتىق مۇناي وڭدەۋ جوسپاردا بولعان.
ءبىراق، جىل باسىنان بەرگى ۋاقىتتا زاۋىتتا 2584،7 مىڭ توننا “قارا التىن” وڭدەلگەن. سونىڭ ناتيجەسىندە جوسپار 98 پايىزعا ورىندالعان.
ايتا كەتەلىك، بۇعان دەيىن اتىراۋ وبلىسىنىڭ اكىمى پرەزيدەنت توقايەۆتىڭ تاپسىرماسىنا ساي 2025 جىلدان باستاپ وڭىردە جىلىنا 60 ميلليون توننا مۇناي وندىرىلەتىنىن ايتقان ەدى.
“بۇعان تەڭىزدەگى كەڭەيتۋ جوباسىنىڭ كومەگىمەن قول جەتكىزەمىز. قاشاعانداعى كەن ورنى دا بۇل جوسپاردىڭ ورىندالۋىنا مۇمكىندىك بەرەدى”، – دەگەن ماحامبەت دوسمۇحامبەتوۆ.
اكىم بۇدان بولەك، وڭىردە مۇناي-گاز سالاسىمەن بايلانىستى قۇنى 6 ترلن تەڭگەدەن اسىپ جىعىلاتىن 4 جاڭا جوبا جۇزەگە اساتىنىن حابارلاعان بولاتىن.
