Atyraýda alǵashqy jarty jylda 23,4 mln tonna munai óndirilgen
Oblystyń Kásipkerlik jáne indýstriia basqarmasynyń málimeti boiynsha, bul byltyrǵy jyldyń naq osy kezeńindegi kórsetkishtiń 99,8 paiyzyn quraǵan.
Basqarma basshysynyń mindetin atqarýshy Qanysh Mámbettiń atap ótkenindei, munaily óńirdegi - Teńiz ken ornynyń álýeti mol.
“Atyraýdaǵy eń iri joba - Teńiz ken orny ekeni eshkimge tańsyq emes. Bul kenishte 13,5 million tonna munai óndirildi. Kaspiidiń Qazaqstanǵa qarasy bóligin “igerip” jatqan NCOC kompaniiasy óndirgen “qara altyn” kólemi 7,4 million tonna. Óz kezeginde “EmbiMunaiGaz” kompaniiasy biyldyń 6 aiynda 1,2 mln tonna munai óndirgen”, – dedi Mámbet.
Onyń aqparatyna qaraǵanda túneýkúni Toqaev synǵa alǵan Atyraý munai óńdeý zaýytynda 6 aida 2588,7 tonna shikizattyq munai óńdeý josparda bolǵan.
Biraq, jyl basynan bergi ýaqytta zaýytta 2584,7 myń tonna “qara altyn” óńdelgen. Sonyń nátijesinde jospar 98 paiyzǵa oryndalǵan.
Aita ketelik, buǵan deiin Atyraý oblysynyń ákimi prezident Toqaevtyń tapsyrmasyna sai 2025 jyldan bastap óńirde jylyna 60 million tonna munai óndiriletinin aitqan edi.
“Buǵan Teńizdegi keńeitý jobasynyń kómegimen qol jetkizemiz. Qashaǵandaǵy ken orny da bul jospardyń oryndalýyna múmkindik beredi”, – degen Mahambet Dosmuhambetov.
Ákim budan bólek, óńirde munai-gaz salasymen bailanysty quny 6 trln teńgeden asyp jyǵylatyn 4 jańa joba júzege asatynyn habarlaǵan bolatyn.
