بٷگٸن اتىراۋداعى يساتاي مەن ماحامبەت الانىڭا جٷزدەگەن ادام جينالدى. ولار «جەردٸ شەتەلدٸكتەرگە جالعا بەرۋگە جەنە ساتۋعا» قارسىلىعىن بٸلدٸرۋگە كەلگەندەرٸن ايتادى. بۇل تۋرالى "ازاتتىق" سايتى حابارلايدى
اتىراۋداعى ورتالىق الاڭعا جۇرت تٷسكٸ ساعات 12 كەزٸندە جينالا باستادى. ولار قازاقستان جەرٸن «شەتەلدٸكتەرگە جالعا بەرۋگە جەنە ساتۋعا» قارسىلىعىن بٸلدٸرۋگە كەلگەندەرٸن ايتادى.
وسى جەرگە كەلگەن قالا ەكٸمٸ نۇرلان وجاەۆ پەن وبلىس ەكٸمٸنٸڭ ورىنباسارى سەلٸمجان ناقپاەۆقا جينالعاندار ٶز تالاپتارىن جەتكٸزدٸ. ەكٸم وجاەۆ «رۇقسات ەتٸلمەگەن ميتينگ ٶتكٸزۋ - زاڭسىز» بولاتىنىن ايتقانىمەن, جۇرتشىلىق بيلٸككە تالاپتارىن ايتۋ ٷشٸن جينالعاندارىن ايتىپ, تاراۋدان باس تارتتى.
شەنەۋنٸكتەر جۇرتقا «قازاقستاننىڭ جەرٸ مەن ەگەمەندٸگٸنە ەشكٸم قول سۇعا المايتىنىن» تٷسٸندٸرۋگە تىرىستى. جينالعاندار ولارعا قازاقستان جەرٸن شەتەل ازاماتىنا 25 جىلعا جالعا بەرۋ «ەل مەن جەر بولاشاعىنا قاتەر» دەپ سانايتىندارىن ايتتى. بۇدان سوڭ بيلٸك ٶكٸلدەرٸ الاڭنان كەتٸپ قالدى. الاڭدا ميتينگ جالعاسىپ, كٶپشٸلٸك الدىنا شىعىپ سٶيلەگەندەر «جەردٸ شەتەلدٸكتەرگە ساتۋعا دا, جالعا بەرۋگە دە» قارسى ەكەندەرٸن مەلٸمدەدٸ.
قوعامدىق بەلسەندٸلەر جينالعان جۇرتتى «ارانداتۋدان ساق بولىپ, تەرتٸپ بۇزباۋعا» شاقىردى. يساتاي مەن ماحامبەت الاڭى ماڭىنا بٷگٸن تاڭەرتەڭنەن جينالعان پوليتسييا ميتينگتٸ سىرتتاي باقىلاپ تۇردى.
ارادا تاعى بٸراز ۋاقىت ٶتكەندە نارازىلىق اكتسيياسى ٶتٸپ جاتقان الاڭعا اتىراۋ وبلىسى ەكٸمٸ نۇرلان نوعاەۆ كەلدٸ. جينالعانداردىڭ «جەر-انانى ساتۋعا جەنە جالعا بەرۋگە بولمايدى» دەگەن سٶزدەرٸن ول دا ەستٸدٸ.
بۇعان دەيٸن جەرگٸلٸكتٸ بەلسەندٸلەر اتىراۋدا 24 سەۋٸردە ميتينگ ٶتكٸزۋ تۋرالى قالا ەكٸمدٸگٸنە ٶتٸنٸش بەرگەنٸمەن, بيلٸك رۇقسات بەرمەگەن. اتىراۋدا «جەردٸ جەكە مەنشٸككە ساتۋعا» قارسى اكتسيياعا شىقپاق بولعان كەيبٸر ازاماتتىق بەلسەندٸلەر جەكسەنبٸ كٷنٸ تەرگەۋشٸ سۇراعىنا جاۋاپ بەرۋگە شاقىرىلعاندارى تۋرالى قاعاز العان.
بٷگٸن الاڭداعى جيىندا جۇرتشىلىق تاراپىنان وبلىس ەكٸمٸ نۇرلان نوعاەۆقا «پوليتسييا مەن پروكۋراتۋرا بەلسەندٸلەردٸ قۋدالاماسىن» دەگەن تالاپ ايتىلدى. ەكٸم بەلسەندٸلەردٸ ەشكٸم قۋدالاپ, جازالامايدى دەپ سەندٸرۋگە تىرىستى. وبلىس باسشىسى الاڭداعى جۇرتتان تالاپتارىن قاعازعا تٷسٸرٸپ, ٶزٸنە جازباشا تٷردە بەرۋدٸ سۇراپ, ونى اقورداعا جەتكٸزەتٸنٸن ايتتى.
قازاقستان جەر كودەكسٸنە بىلتىر كٷزدە ەنگٸزٸلگەن ٶزگەرٸستەرگە سەيكەس, بيىلعى شٸلدە ايىنان اۋىلشارۋاشىلىعى ماقساتىنداعى جەردٸ ەل ازاماتتارىنا اۋكتسيون ارقىلى جەكە مەنشٸككە ساتۋ, سونىمەن بٸرگە شەتەلدٸكتەرگە, ازاماتتىعى جوق ادامدارعا ونداي جەردٸ 25 جىلعا دەيٸن جالعا بەرۋ باستالماق. بۇل جاڭا ٶزگەرٸس قازاقستان قوعامىندا قىزۋ پٸكٸرتالاس تۋدىرعان.
"ازاتتىق" سايتى
