ەلەۋمەتتٸك جەلٸدە اتىراۋ قالاسى ەكٸمدٸگٸنٸڭ قىزمەتكەرٸنە قاتىستى ۆيدەو تاراپ كەتتٸ. جەلٸدە تاراعان اقپاراتتا اتىراۋ وبلىسىن سۋ باسىپ جاتقان كەزدە ەكٸمدٸك قىزمەتكەرلەرٸنٸڭ بٸرٸ قىزمەتتٸك كٶلٸگٸمەن قالا ارالاپ, ٶزٸنە جاڭا Toyota تاڭداپ جٷرگەنٸ ايتىلادى.
بۇل جايتقا قالا ەكٸمدٸگٸنٸڭ باسپاسٶز قىزمەتٸ ٶكٸلدەرٸ جاۋاپ بەردٸ, - دەپ حابارلايدى Dalanews.kz.
"ەكٸمدٸك قىزمەتكەرٸ حالىقتىڭ جاعدايىن ويلاپ قاتتى قينالىپ جٷر", - دەپ جازىلعان جەلٸدە تاراعان ۆيدەودا.
جەرگٸلٸكتٸ باسىلىمدار مەلٸمەتٸنە سٷيەنسەك, ۆيدەو اۆتورى جەرگٸلٸكتٸ بلوگەر ەكەنٸ بەلگٸلٸ بولعان. ول كادر سىرتىندا ەكٸمدٸك قىزمەتكەرٸ 013 رك 06 مەملەكەتتٸك نٶمٸرلٸ اۆتوكٶلٸكپەن كەلگەنٸن ايتىپ, Toyota ورتالىعىندا ۆيدەو تٷسٸرەدٸ. سونىمەن قاتار, قىزمەتكەردەن نە ٸستەپ جٷرگەنٸن سۇرايدى. قىزمەتكەر "جۇمىستا جٷرمٸن", - دەپ جاۋاپ بەرەدٸ.
"قالا سۋعا كەتەيٸن دەپ جاتىر دەيدٸ. بارلىعى جۇمىس ٸستەپ جاتىر. مىناۋ ٸشكٸ ساياساتتىڭ ماشيناسى عوي اكيماتتاعى. تويوتا ورتالىعىندا نە ٸستەپ جٷر ەكەن? ماشينا قاراپ جٷر. قالا سۋعا كەتەيٸن دەپ جاتىر, ماشينا قاراپ جٷرسٸڭدەر, قالاي تٷسٸنەمٸز?" - دەيدٸ ۆيدەو اۆتورى.
جەلٸدە ۆيدەو تاراپ كەتكەننەن كەيٸن اتىراۋ قالاسى ەكٸمدٸگٸ ٶكٸلدەرٸ پٸكٸر بٸلدٸردٸ.
"اتىراۋ قالاسى ەكٸمدٸگٸنٸڭ قىزمەتكەرٸ ەكٸمدٸك بالانسىنداعى "Toyota" ماركالى كٶلٸكتەرٸن جٶندەۋدەن ٶتكٸزۋ ماقساتىندا رەسمي ديلەردەن قوسالقى بٶلشەكتەردٸڭ باعاسىن بٸلٸپ, تاپسىرىس بەرۋگە بارعان", - دەدٸ قالالىق ەكٸمدٸكتٸڭ باسپاسٶز قىزمەتٸ ٶكٸلٸ "اق جايىق" باسىلىمىنا بەرگەن جاۋابىندا.
ايتا كەتەيٸك, اتىراۋ وبلىسى جىلىوي اۋدانى قۇلسارى قالاسىندا 3 مىڭعا جۋىق ٷي سۋ استىندا قالدى.
الدىن الا بولجام بويىنشا, قۇلسارى قالاسىندا 2810 تۇرعىن ٷي سۋ استىندا قالدى. بۇل - قازاقستاننىڭ تٶتەنشە جاعدايلار مينيسترلٸگٸ كەلتٸرگەن دەرەك.
سۋ تاسقىنىڭ سالدارىن جويۋعا 231 تەحنيكا, 1198 جەكە قۇرام, 18 بٸرلٸك جٷزۋ قۇرالدارى, 19 بٸرلٸك موتوپومپا جۇمىلدىرىلدى.
