بەلگٸلٸ جۋرناليست جانات مولداشوۆا ەلەۋمەتتٸك جەلٸدەگٸ پاراقشاسىندا اتىراۋ وبلىسىندا بولعان قايعىلى وقيعاعا قاتىستى جاڭا ۆيدەونى جارييالادى, دەپ حابارلايدى Dalanews.kz.
"قارالى وتباسى مىنا جاۋىزدىقتان ەستەرٸن جييا الماي جاتىر. جانگەلدين حالقى ٷرەيدە وتىر. اعايىن-تۋىس قاسكٶي قىلمىسكەردٸ تەزٸرەك قۇرىقتاۋدى تالاپ ەتەدٸ. "مارقۇمدار سارايدان قالاي تابىلدى? وعان دەيٸن تٸنتۋ جٷرگٸزٸلدٸ عوي" دەگەن سۇراقپەن مىڭداعان ادام مازالادى. وقيعا باستالعالى باسى-قاسىندا جٷرگەن, مارقۇم ماقسوت اعامىزدىڭ ٸنٸسٸ شالقار بٸراز ساۋالدارىما جاۋاپ بەردٸ. ٶتە اۋىر جاعداي. بٸراق قوعامنىڭ تراگەديياسى بولعاندىقتان ايتىلۋى, جازىلۋى كەرەك. قازالى وتباسىنىڭ تۋىستارىنا قانداي جۇباتۋ سٶز ايتارىڭدى دا بٸلمەيسٸڭ?!" – دەپ جازدى جانات مولداشوۆا.
كەيٸنٸرەك جەلٸدە جۋرناليست ماقسوت قاراباليننٸڭ ٸنٸسٸ شالقار مۇقانعاليەۆپەن جٷرگٸزگەن سۇحباتى دا جارىق كٶردٸ. وندا ول ٸستٸڭ مەن-جايىنا قاتىستى تىڭ دەرەكتەرمەن بٶلٸسكەن.
"نەسٸپ جەڭگەمٸزدٸڭ اعايىن-تۋىستارىنىڭ چاتتارىنا جٸبەرگەن اۋديوسى بار. سول اۋديو حابارلامالارىنىڭ بٸرٸن 7 قاراشا كٷنٸ جٸبەرگەن. كٷدٸك تۋدىرماس ٷشٸن... قالاي بولعاندا دا, بٸرەۋ جٸبەرٸپ تۇر... قازٸرگٸ تاڭدا تەلەفوننىڭ بەرٸ سۇلتاندا بولدى دەپ تۇر عوي. سول سۇلتان جٸبەرٸپ تۇرعان شىعار دەپ ويلاپ تۇرمىز", – دەدٸ شالقار مۇقانعاليەۆ.
ەسكە سالايىق, جانگەلدين اۋىلىنان شىققان وتباسى 2025 جىلى جۇمباق جاعدايدا جوعالىپ كەتكەن بولاتىن. 6 قاڭتاردا اتىراۋ وبلىسىندا جوعالعان وتباسىنىڭ ەكٸ مٷشەسٸنٸڭ - وتاعاسى ماقسوت قاراباليننٸڭ جەنە ونىڭ جۇبايى نەسٸپ ٷتەشقاليەۆانىڭ مەيٸتتەرٸ تابىلعانى حابارلاندى. كەيٸنٸرەك ٸس بويىنشا كٷدٸكتٸلەردٸڭ جەكە باسى انىقتالدى.
7 قاڭتاردا قىلمىسقا قازا تاپقانداردىڭ كٷيەۋ بالاسى, 29 جاستاعى سۇلتان سەرسەمەليەۆ كٷدٸكتٸ رەتٸندە تانىلعانى بەلگٸلٸ بولدى. ال 8 قاڭتاردا ونىڭ رەسمي تٷردە ٸزدەۋگە جارييالانعانى حابارلاندى.
