اتىراۋ وبلىسىندا كولىك جانىپ كەتىپ، 4 ادام قازا تاپتى، - دەپ حابارلايدى Dalanews.kz.

ءوڭىردىڭ پوليسيا دەپارتامەنتىنىڭ مالىمەتىنشە، ءبىر ساعات بۇرىن جولدا ەسكەرتۋ العان جۇرگىزۋشى جول اپاتىنا ءتۇسىپ، ءتورت ادام قازا تاپتى.

26 قازاندا اتىراۋ وبلىسى پوليسيا دەپارتامەنتى جانىنداعى پاترۋلدىك پوليسيا روتاسىنىڭ قىزمەتكەرلەرى اتىراۋ-ورال تاسجولىندا 4:00 شاماسىندا رەسەي ەلىندە تىركەلگەن Daewoo Nexia اۆتوكولىگىن توقتاتىپ، جول ءجۇرىسى ەرەجەسىنىڭ تالاپتارىن بۇزعانى ءۇشىن جۇرگىزۋشىسىنە حاتتاما تولتىرعان جانە تۇنگى ۋاقىتتا ساقتىق شارالارىنا مۇقيات بولۋ كەرەك ەكەنىن ەسكەرتكەن.

"ەسكەرتۋلەرگە قاراماستان تاڭعى ساعات 06:00 شاماسىندا اتىراۋ-ورال تاسجولىندا Daewoo Nexia اۆتوكولىگىنىڭ 38 جاستاعى جۇرگىزۋشىسى باسقارۋ جۇيەسىن يگەرە الماي، قاراما-قارسى باعىتتا كەلە جاتقان جۇك كولىگىمەن سوقتىعىسقان. جول اپاتى سالدارىنان Daewoo Nexia كولىگىنىڭ جۇرگىزۋشىسى مەن 3 جولاۋشىسى وقيعا ورنىندا كوز جۇمدى، كولىك تولىقتاي وتقا وراندى"، - دەپ جازىلعان حابارلامادا.

ءقازىر بۇل دەرەك بويىنشا قىلمىستىق ءىس تىركەلىپ، كەشەندى تەرگەۋ امالدارى جۇرگىزىلىپ جاتىر.

"قۇرمەتتى جول قوزعالىسىنىڭ قاتىسۋشىلارى! جول قاتەلىكتەردى كەشىرمەيدى! ءوزىڭىزدىڭ جانە وزگەلەردىڭ دەنساۋلىعى مەن ومىرىنە ءقاۋىپ توندىرمەي، الىس ساپارلارعا تۇنگى مەزگىلدە شىقپاۋلارىڭىزدى جانە شارشاڭقى كۇيدە كولىك باسقارماۋلارىڭىزدى سۇرايمىز! جول قوزعالىسى ەرەجەلەرىن ساقتاڭىزدار!" - دەپ ەسكەرتتى پوليسيا.