اتىراۋ وبلىسىندا ءبىر وتباسى مۇشەلەرى حابار-وشارسىز كەتۋىنە بايلانىستى پوليسيا ىزدەستىرۋ جۇمىستارىن جۇرگىزىپ جاتىر. بۇل تۋرالى ولاردىڭ تۋىسى 25 جەلتوقساندا پوليسياعا ارىزدانعان. ايتۋىنشا، وتباسى مۇشەلەرىمەن بايلانىسقا شىقپاعانىنا ءبىر ايدان اسقان، دەپ حابارلايدى Dalanews.kz.
جانگەلدى اۋىلىنىڭ تۇرعىندارى قاراشا ايىندا ۇيلەرىنەن شىعىپ، بەلگىسىز باعىتقا كەتكەن جانە سول كۇيى ورالماعان. ءىز-تۇسسىز كەتكەندەردىڭ قاتارىندا ەرلى-زايىپتىلار جانە ولاردىڭ 33 پەن 35 جاستاعى ەكى ەرەسەك بالاسى بار. ولاردىڭ ەلدىڭ وڭتۇستىك وڭىرلەرىنە جول تارتۋى مۇمكىن ەكەنى ايتىلدى.
پوليسيا ازاماتتاردان ىزدەستىرىلىپ جاتقان وتباسىنىڭ جۇرگەن جەرى تۋرالى قانداي دا ءبىر اقپارات بىلسە، تومەندەگى تەلەفون نومىرلەرىنە حابارلاسۋدى سۇرايدى:
98-20-78، 98-20-88، +7 701 304 00 12.
