بۇل تۋرالى ول ءوزىنىڭ Facebook پاراقشاسىندا ەگجەي-تەگجەيلى جازىپ، كوپشىلىكتىڭ الدىنا ۇسىندى.
ا.تاشەنوۆا ماماي تاراپىنان كەلتىرىلگەن كۋالىكتەرىنىڭ بىردە بىرەۋى تاعىلعان ايىپتاۋلارعا دالەلدەمە بولا المايتىنىن مالىمدەدى.
ونىڭ سوزىنە سەنسەك، مامايدىڭ ۇسىنعان دالەلدەرى پوستتاردان، ب ا ق پەن ءانونيمدى تەلەگرام-ارنالارداعى جاريالانىمداردان، سونداي-اق تۇسىنىكسىز انىقتامالار مەن ىسكە مۇلدەم قاتىسى جوق قۇجاتتاردان تۇراتىن قويىرتپاق. زاڭ مەن زاڭي تاجىريبە تۇرعىسىنان العاندا، بۇل – سوت ءۇشىن ەشقانداي ماڭىزى جوق پايداسىز جالعان دالەلدەمەلەر.
«سوت تالقىلاۋى – ەڭ الدىمەن فاكتىلەر ەكەنىن تاعى دا اتاپ وتكىم كەلەدى. سوت جالاڭ جورامالدار مەن «قيالي اڭگىمەلەرگە» ەمەس، تەك سولاردىڭ نەگىزىندە عانا زاڭعا سايكەس اقيقاتتى انىقتايدى. بۇل – الەمدىك تاجىريبە، قۇقىق ۇستەمدىگى دەگەنىمىز دە، وسى»، – دەپ ءتۇسىندىرىپ ءوتتى بايبەكتىڭ قورعاۋشىسى.
ادۆوكاتتىڭ جازباسىنان زاڭعا سايكەس جاۋاپكەرلەر جاريا تۇردە ايىپتاۋ كەزىندە سۇيەنگەن قۇجاتتارى مەن راستايتىن دالەلدەمەلەرىن سوتقا ۇسىنۋى ءتيىس ەكەنى بەلگىلى بولدى. ايتسە دە، ب.بايبەك، 2 كۇن بۇرىن سوتقا ج.ماماي مەن ي.يمانبايەۆانىڭ جالعان ايىپتاۋلارىن جوققا شىعاراتىن بارلىق قاجەتتى قۇجاتتار مەن فاكتىلەردى جولداي وتىرىپ، ءوز قۇقىعىن پايدالانىپتى.
زاڭگەر ا.تاشەنوۆا جاۋاپكەرلەردىڭ 16 بەتتىك پىكىرىنە قىسقاشا توقتالىپ، ولاردىڭ «دالەلدەمە» دەپ ۇسىنعاندارى مەن تالاپكەرلەر بەرگەن قۇجاتتاردى سالىستىرىپ 7 تارماققا ءبولىپ كورسەتتى.
وسى تۇيىندەردەن بايبەكتىڭ قورعاۋشىسى ماماي ۇسىنعان دالەلدەردىڭ بارلىعى فەيك اقپارات جانە جالعان فاكتىلەردەن قۇرالعانىن العا تارتتى.
«بۇدان الدىن ب.بايبەك ءوز سۇحباتىندا مالىمدەگەندەي، ولاردىڭ «جۋرناليستىك زەرتتەۋ» دەپ اتالاتىنى تولىقتاي وتىرىك تۇجىرىمدارعا، اشىقتان اشىق كەمسىتۋگە، الداۋ مەن قوعامدىق پىكىردى مانيپۋلياسيالاۋعا قۇرىلعان. ياعني ولاردىڭ «قۇجاتتاماسى» تۇككە تۇرمايدى، ال بارشا وتىرىك اقپاراتى اۋادان الىنعان.
«ج.ماماي مەن ي.يمانبايەۆا وسىنداي تۇيىققا تىرەلىپ وتىرعان جاعدايدا نە ىستەمەك؟ كورىپ وتىرعانىمىزداي، پروسەسس بارىسىندا ج.ماماي مەن ي.يمانبايەۆا جانە ولاردىڭ ءۇش ادۆوكاتى وزدەرىنىڭ ايىپتاۋلارى كوپە-كورنەۋ جالا مەن ارسىز الداۋعا قۇرىلعانىن بىلە تۇرا، ەرتە باستان «وزدەرىنىڭ جەڭىلگەنىن مويىندادى».
ايتسە دە، لاس تاسىلدەر مەن تەحنولوگيالاردى پايدالانا وتىرىپ، جاۋاپكەرلەر سانالى تۇردە قوعامدىق پىكىردى بۇرمالاي وتىرىپ، تالاپ قويۋشىنى قارالايتىن وتىرىك اقپاراتتى تاراتۋىن جالعاستىرۋدا. ال پروسەسس بارىسىندا سوتتى «ءسوزبۇيداعا سالىپ»، ارزان قويىلىمعا اينالدىرىپ، تالاپ ارىز مانىنە جاتپايتىن باسقا تاقىرىپتاردى قوزعاپ كەتۋدە»، – دەپ قورىتىندىلادى ادۆوكات.
تالاپ قويۋشى وزدەرىنىڭ دۇرىستىعىنا اۋەل باستان-اق سەنىمدى بولعانىن اتاپ ءوتتى. وزدەرىنىڭ پوزيسياسىن راستاۋ ماقساتىندا بارلىق دالەلدەر مەن قۇجاتتاردى بارشانىڭ تانىسۋى ءۇشىن جاريالاعانىن جەتكىزدى. ال جاۋاپكەرلەر تاراپىن وزدەرىنىڭ «دالەلدەمەلەر» دەپ اتالاتىنىن اشىق ۇسىنۋدان تولىقتاي قاشقاقتاپ جۇرگەنىن اشىق ايتتى.
