ەكٸ مىقتىنىڭ ەرەگەسٸ بٸر-بٸرٸن اشىق ايىپتاۋعا ۇلاسىپ جاتىر. 24.kg-عا سۇحبات بەرگەن جيەنبەكوۆ ەزٸر سوتسيال-دەموكراتييالىق پارتييانىڭ تٸزگٸنٸن ۇستاپ وتىرعان اتامباەۆتىڭ ٶزٸنە ورىنسىز كٸنە تاققانىن ايتىپ, اعىنان جارىلىپتى.
– كٶرٸسپەگەنٸمٸزگە كٶپ بولدى. سوڭعى رەت سوناۋ ناۋرىز ايىندا ۇشىراسقانبىز. سودان بەرٸ ماعان سان رەت كٷيە جاقتى. پرەزيدەنتتٸكتٸڭ العاشقى تٶرت ايىن اۋىر ٶتكەردٸم. سول كەزدە قولتىعىمنان دەمەۋدٸڭ ورنىنا, سىرتىمنان سٶز تاسىدى.
"جەمقورلىقتىڭ ۇشار باسىندا تۇرعان جيەنبەكوۆ, پٸشكەكتەگٸ جىلۋ ەلەكتر ورتالىعىنىڭ اپاتىنا دا سول كٸنەلٸ" دەستٸ.
سوتسيال-دەموكراتييالىق پارتييانىڭ سەزٸنە وسى ۇيىمنىڭ وتىمەن كٸرٸپ, كٷلٸمەن شىققان وش ٶڭٸرٸنەن كەلگەن ارداگەرلەردٸ كٸرگٸزبەي, بوساعادان كەرٸ قايتاردى.
قيىن-قىستاۋ جىلدارى پارتييانى ساقتاپ قالۋعا قول ۇشىن سوزعان, ەرٸ اتامباەۆتى دا امان الىپ قالعان سولار ەمەس پە ەدٸ? جاعدايدى وسىنشالىقتى ۋشىعادى دەپ ويلاعان جوقپىن. وسى ۋاقىتقا دەيٸن تٸس جارعام جوق. المازبەكتەن ٸرگەمدٸ اۋلاق سالام دەگەن وي جوق-تۇعىن. پارتييالاس ەدٸك, مٷددەلەس ەدٸك وسى كٷنگە دەيٸن.., – دەگەن جيەنبەكوۆ پارتييا قاتارىندا جٷرگەندە اتامباەۆقا ادال قىزمەت ەتكەنٸن ايتىپتى.
"الايدا المازبەكتٸڭ قولبالاسى ەمەسپٸن" دەيدٸ قىرعىزستاننىڭ قازٸرگٸ پرەزيدەنتٸ.
"مەنەن قولبالا جاساۋعا تىرىسىپ, كٶلدەنەڭ كٶك اتتىلاردىڭ كٶمەگٸمەن ٸس-ەرەكەتٸمدٸ ٶزٸنٸڭ قولايىنا قاراي باعىتتاۋعا ۇمتىلۋ اتامباەۆقا ابىروي ەكەلمەيدٸ. ونىڭ وسى ارقىلى نەگە ۇمتىلاتىنىن ۇعىنا الماي-اق قويدىم. بٸر ٶزٸ بار اۋىرتپالىقتى موينىمەن كٶتەرگەندەي سٶيلەيدٸ. سوتسيال-دەموكراتييالىق پارتييانى بٷگٸنگٸ دەڭگەيگە جەتكٸزگەن تۇلعالاردى ساناتتان شىعارىپ تاستادى. پارتييانىڭ بٷگٸنگٸدەي دەڭگەيگە جەتۋٸ جالعىز المازبەكتٸڭ ارقاسى ەمەس. "دوسىم", "پارتييالاسىم" دەگەندە سونداي. سٶزٸ مەن ٸسٸ ساي ەمەس, بٸراق. ناعىز دوس, ناعىز پارتييالاس دەل المازبەكتەي پاسىق پيعىلعا بارمايدى, – دەپتٸ كٷيٸنگەن جيەنبەكوۆ.
ايتۋىنشا, نەبٸر الماعايىپ زاماندا اتامباەۆتان الىستاماي, جانىندا جٷرٸپتٸ جيەنبەكوۆ.
"باسىنا كٷن تۋىپ, جاپادان جالعىز قالعان كەزدەرٸ دە قاسىنان تابىلدىم. ول تۇستارى اتامباەۆتىڭ ٷزەڭگٸلەسٸ بولۋ باسىڭدى بەيگەگە تٸگۋمەن تەڭ ەدٸ. سوعان قاراماي, وتباسىما, تۋعان-تۋىسقا تٶنٸپ تۇرعان قاۋٸپكە قاراماي المازبەكتٸڭ ايتقانىنا سەندٸم.
2009 جىلى اتامباەۆ سوتسيال-دەموكراتييالىق پارتييانىڭ اتىنان سايلاۋعا تٷسكەندە ونىڭ وڭ قولى بولعان شتابقا جەتەكشٸلٸك ەتتٸم. سول كەزدەگٸ جٷيە اتامباەۆقا جاقتاسقانداردىڭ تەرٸسٸن تٸرٸدەي سىپىرۋعا ەزٸر-تۇعىن. المازبەكتٸڭ سٶزٸن سٶيلەۋ كٶزسٸز ەرلٸك ەدٸ سول تۇستارى. اشىعىن ايتايىن, اتامباەۆتىڭ جولىندا اجال قۇشۋىم دا مٷمكٸن ەدٸ. ول ٷشٸن قانداي قۇرباندىققا بارعانىمدى المازبەك جاقسى بٸلەدٸ.
سونىڭ بەرٸن ۇمىتىپ كەتتٸ. مەنٸ ساتقىن دەپ سىباپ جٷر. المازبەك پەن ونىڭ جاقتاستارىنىڭ سٷيٸكتٸ سٶز بۇل. كٶرەرمٸز. كٸمنٸڭ كٸم ەكەنٸن ۋاقىت كٶرسەتە جاتار...", – دەپتٸ جيەنبەكوۆ.
ايتۋىنشا, دەل قازٸر ونىڭ اتامباەۆتىڭ ايىپتاۋلارىنا الاڭدايتىن ۋاقىتى جوق.
"قىرعىز حالقىنىڭ مەڭگٸلٸك مۇراتى بار. "قىرعىز كٶشٸ ٶز جولىن جالعاستىرۋى كەرەك". مەنٸڭ ۇرانىم, مەنٸڭ ۇستانىمىم وسى. پرەزيدەنتتەر كەلەدٸ كەتەدٸ, حالىق قالادى. تەۋەلسٸزدٸك اتتى تاريحي جولدى جالعاستىرۋىمىز كەرەك", – دەپتٸ جيەنبەكوۆ.
دايىنداعان, دۋمان بىقاي
