بەلگىلى اكتەر باقتيار قوجا قوعامدا بەلەڭ العان اجىراسۋ ماسەلەسىنە بايلانىستى الاڭداۋشىلىق تانىتتى، دەپ حابارلايدى Dalanews.kz.

ونەر يەسى  "ءبىلىم-قازىنا" Youtube ارناسىنا بەرگەن سۇحباتىندا بۇعان سەبەپ بولاتىن بىرنەشە پروبلەمانى اتاپ ءوتتى. ايتۋىنشا، سوڭعى كەزدە بالاسىن ايەلىنەن قىزعاناتىن ەنەلەر كوبەيگەن. سونىڭ سالدارىنان وتباسىنىڭ ويرانى شىعىپ، جاستار ەكى جاققا كەتۋدە.

"بۇل ويدى رەسمي ستاتيستيكا دا قۋاتتايدى. ساراپشىلاردىڭ سوزىنشە، اجىراسۋعا نەگىزگى سەبەپ  – 60 پايىز جاعدايدى تۋىستارىنىڭ ارالاسۋىنان بولادى ەكەن. اجىراسۋدىڭ تاعى ءبىر سەبەبى – جاستاردىڭ ءوزارا   سويلەسە الماۋى، ءبىرىن-بىرى تۇسىنبەۋى. قازىرگى تەلەفونعا تەلمىرگەن جاستاردا  ءبىر-بىرىن تىڭداۋ، وي ءبولىسۋ سەكىلدى داعدىلار قالىپ بارادى. قىزعانىش، كەشىرە الماۋ، تاكاپپارلىق سەكىلدى فاكتورلار دا اجىراسۋدىڭ سەبەبى بولىپ جاتىر. مۇندا دۇرىس تاربيە بەرە الماعان اتا-انالاردىڭ دا قاتەلىگى بار"، - دەيدى باقتيار قوجا.  

سونىمەن قاتار اكتەر كۇنى كەشە جارىققا شىققان ستاتيستيكانى دا نەگىزگە الدى. 

"رەسمي ستاتيستيكاعا سۇيەنسەك، قازاقستان اجىراسۋ سانى بويىنشا الەمدە ەكىنشى ورىندا تۇر. دەمەك، وتباسىن قۇرعان ءاربىر ءۇشىنشى، ءتىپتى ەكىنشى نەكەنىڭ سوڭى ءساتسىز اياقتالىپ جاتىر. ساراپشىلار ەلدەگى اجىراسۋدىڭ نەگىزگى سەبەپتەرى جاس وتباسىنىڭ ىسىنە تۋىستارىنىڭ ارالاسۋى (61%)، مورالدىق شەكتەۋلەردىڭ بولماۋى (41%)، وڭاي اجىراسۋ پروسەسى (25%)"، - دەپ اتاپ ءوتتى ول.