اعىلعان ولەڭ، توگىلگەن جىر، ارقا-جارقا سۇxباتتار، نەبىر اڭگىمەلەر، فوتوسەسسيالار ت.ب. بوپ جاتىر. فرانسيا، پولشا، رەسەي، اۆستراليا، قىرعىزستان، ارمەنيادان كەلگەن اقىندار قازاق ەلىنە ءدان ريزا.

ءبارى تاماشا، ءبارى جاقسى. تەك ءبىر كوڭىلگە كىربىڭ تۇسىرەتىن جاعداي بولدى كەشە.

ءبىز توقتاعان قوناق ءۇيدىڭ اكىمشىلىگى فەستيۆالگە قاتىسۋشىلاردى اۆتوبۋسقا مىنگىزىپ بۋرابايدى ارالاتتى. تاماشا تابيعاتقا ءبىز دە، قوناقتار دا كوزىمىز تويماي قاراي باستادىق.

ءبىر ۋاقىتتا جۇرگىزۋشىنىڭ قاسىندا كوزى كوكشەنىڭ اسپانىنداي كوكپەڭبەك ەكسكۋرسوۆود قاراعىم اڭگىمەنى جارسىن!

ەكسكۋرسيا ءماتىنىنىڭ ۇزىن-ىرعاسى بىلاي. اڭىز ايتىپ وتىر باياعى: قۇداي جەر ءجۇزىن جاراتقاندا قازاققا جەر جەتپەي قاپتى.

الگى قازاق جەر تاراتىلىپ جاتقاندا، الباستى باسىپ ۇيىقتاپ قالسا كەرەك، ويانسا ءبىر قادىم جەر جوق (اۋادا ۇيىقتاعان-اۋ).

سودان نە كەرەك، الگى قازەكەڭ، قايدان تاپقانى بەلگىسىز الدار-كوسەگە ويبايلاپ بارىپتى. الدار-كوسە قۇدايمەن بۇرىننان تانىس بولسا كەرەك، ءبىزدىڭ بەيباق بابامىزعا وسى كوكشەتاۋ جەرىن سۇراپ اپەرىپ، جارىلقاپ تاستاپتى. ءجا، وعان نامىستان جارىلارداي بوپ وتىرساق تا، كۇلە سالدىق.

سويتسەك، بۇل ءالى بەر جاعى ەكەن.

ءبىر كەزدە زلوي ي جەستوكيي پراۆيتەل قاسىم xان بۇيتكەن-سويتكەن دەگەن اڭگىمەنى وڭدى-سولدى بوراتسىن.

سوسىن بۇل جەردە ءۇش ءجۇزدىڭ باسىن قوسىپ، قازاق xالقىن رەسەيگە قوسىپ امان الىپ قالعان ابىلاي xان دەگەن كىسى ءومىر سۇرگەن دەپ توبەمىزدەن جاي ءتۇسىردى.

«بوروۆوە» دەگەن ءسوز ورىستىڭ «بور» دەگەن سوزىنەن تۋىنداپتى-مىس.

ال، وسى كوكشەتاۋ، اقمولا دەگەندەرىڭىز رەسەيدىڭ وڭتۇستىك بەكەتتەرى ەكەن (يۋجنىە رۋبەجي روسسييسكوي يمپەريي دەپ كادىمگىدەي ۇرىپ وتىر). شەتەلدەن كەلگەن قوناقتار وسىنىڭ ءبارىن ەستىپ، باسىن شۇلعىپ وتىر.  اۆتوبۋستان تۇسكەن سوڭ، الگى ەكسكۋرسوۆود قىزدان «مىنا ءماتىندى سىزگە كىم دايىنداپ بەردى؟» دەپ سۇرادىم.

بۇل ءماتىن بۇرىننان بار، ونى ەجەلدەن وسى جەردى بىلەتىن كاسىبي ەكسكۋرسوۆودتار (ورەكەڭدەر دەپ وقىڭىز) جاساقتاعان دەپ تۇر. مىنالارىڭىز قاتە اقپارات دەسەم، ونى ءسىز ەمەس، ءبىز بىلەمىز دەپ جۇلىندى دا قالدى.

مىنە، اعايىن ەلوردامىزدىڭ ىرگەسىندە وسىنداي شوۆينيستىك پيعىلداعى يدەولوگيالىق جۇمىستار ءجۇرىپ جاتىر. وسىنداي سوراقى دۇنيەلەردى ەستىگەن شەتەلدىكتەردە، ءتىپتى ءوزىمىزدىڭ جاستاردا تاريxىمىز جايلى جالعان، تەرىس پىكىرى قالىپتاسادى عوي.

وسى ورايدا، مەن اقمولا وبلىسىنىڭ اكىمىنەن جانە ونىڭ تۋريزمگە جاۋاپتى ورىنباسارى مارات يگالي مىرزادان بۋرابايدا جۇمىس ىستەپ جاتقان قوناق ءۇي، دەمالىس ۇيلەرى، ساناتورييلەردىڭ ەكسكۋرسيالىق باعدارلامالارىن تەكسەرۋدى جانە ولارعا ۇلتتىق مۇددەگە نەگىزدەلگەن، عىلىمي ساراپتامادان وتكەن، ورتاق ەكسكۋرسيا ماتىندەرىمەن قامتاماسىز ەتۋدى تالاپ ەتەمىن.

ءوز ەلىمىزدە ءوز تاريxىمىزدى، اڭىز-افسانالارىمىزدى قورعاي الماساق ۇيات قوي.

اقبەرەن ەلگەزەك،

فەيسبۋك پاراقشاسىنان