اتالعان مەرەكە قارساڭىندا وبلىستا الەۋمەتتىك جانە كاسىپورىن سىندى 20 نىسان اشىلىپ، ەل يگىلىگىنە بەرىلەدى. اكسيا اياسىندا شىمكەنت قالاسىنداعى «وڭتۇستىك» يندۋستريالدى ايماعىندا ورنالاسقان «شىمكەنت تەمىر» ءجشس-نىڭ بولات قۇيۋ زاۋىتى ىسكە قوسىلادى. جالپى قۇنى 4،2 ملرد. تەڭگە بولاتىن كاسىپورىن جىلىنا 240 مىڭ توننا ءونىم شىعارۋعا قاۋقارلى. ءوندىرىس ورنى ىسكە قوسىلعاندا 150 ازامات جۇمىسپەن قامتىلماق.
سونىمەن قاتار، شىمكەنتتە ۇلتتىق تەننيس ورتالىعى، زووباقتىڭ «سافاري» بولىگى مەن استانا داڭعىلىنىڭ بويىندا گۇلزاردىڭ اشىلۋ ءراسىمى وتەدى. بۇدان باسقا مەرەيتوي قارساڭىندا ەل يگىلىگى ءۇشىن وبلىس اۋماعىندا 4 بالاباقشا، شاردارا اۋدانىندا 10 پاتەرلى ەكى قىزمەتتىك تۇرعىن ءۇي مەن تولە بي اۋدانىندا 20 پاتەرلى بەس قاباتتى تۇرعىن ءۇي، ال بايدىبەك اۋدانىندا 1 پاتەرلى 20 كوممۋنالدىق تۇرعىن ءۇي قۇرىلىسى پايدالانۋعا بەرىلەدى.
1-6 شىلدە ارالىعىندا تۇركىستان قالاسىندا «ياسسى قۇس» شارۋا قوجالىعىنىڭ ەكىنشى كەزەڭى، سيىمدىلىعى 200 توننا بولاتىن كوكونىس جانە جەمىس-جيدەك ساقتايتىن سەرۆيستىك ورتالىق اشىلادى. استانا قالاسىنىڭ 20 جىلدىعىنا 20 نىسان اكسياسى بارىسىندا 200 ورىندىق مادەنيەت ءۇيى مەن 600 ورىندىق مەكتەپ، 60 بالاعا شاقتالعان «اقكەن» ەمدەۋ-ساۋىقتىرۋ لاگەرى جانە سپورت نىساندارى مەن دەمالىس ورىندار ەل يگىلىگىنە تاپسىرلادى.
وسىلايشا، وڭتۇستىك وڭىردە ەلباسى جۇرگىزىپ وتىرعان مەملەكەتتىك ساياساتتىڭ ارقاسىندا حالىق ءۇشىن ماڭىزى زور ءبىرقاتار الەۋمەتتىك نىساندار مەن كاسىپورىنداردىڭ قۇرىلىسى اياقتالىپ وتىر. بۇل باعىتتاعى جۇيەلى جۇمىستار الداعى ۋاقىتتا جالعاسىن تاباتىن بولادى.
