استانانى حالىقتان قىزعانعان حالىق قالاۋلىسى بۇل باستاماسىن ءماسليحات وتىرىسىندا مالىمدەدى.
ايتحوجين قالاعا كۇن سايىن 200-دەن 250 مىڭعا دەيىن ادام كەلەتىنىن ايتىپ، كوشى-قون اعىنىنىڭ اۋقىمىنا الاڭداۋشىلىق ءبىلدىرىپ، وتىر. ول مۇنداي ادامنىڭ كوپتىگى لاستانعان ەت يمپورتى مەن ەسىرتكى كونترابانداسى سياقتى پروبلەمالار تۋدىراتىنىن اتاپ ءوتتى.
سونداي-اق دەپۋتات قالاعا وڭتۇستىك وڭىرلەردىڭ تۇرعىندارىنىڭ كىرىپ جاتقانىن، ولاردىڭ وسى ۋاقىتقا دەيىن نە ىستەپ-نە قويعانى بەلگىسىز ەكەنىن جانە بۇل ءقاۋىپ توندىرەتىنىن العا تارتتى.
دەپۋتات كەدەندەگىدەي، قالانىڭ كىرە بەرىسى مەن شىعا بەرىسىنە بىرنەشە باعىتتا بوگەتتەردى ورناتۋدى ۇسىندى. سونداي-اق ول وزبەكستان مەن قىرعىزستان ازاماتتارىنىڭ شەكارادان ءوتۋىن مۇقيات تەكسەرۋ قاجەتتىگىن ايتتى.
"ءبىز كەلىپ جاتقان ازاماتتاردى باقىلاۋ بەكەتىنەن وتكىزىپ، نەگە قۇجاتتامانى تەكسەرۋدى قاتاڭ تۇردە قاداعالامايمىز؟ قازىرگى احۋال دۇرىس ەمەس، ولار بۇكىل اۆتوبۋسپەن لەك-لەگىمەن كەلىپ جاتىر. بارلىعى استاناعا كەلۋگە اسىعادى. باقىلاۋ پۋنكتتەرىن ورناتايىق. بىزگە بۇل اسا قاجەت. «تەاتر كيىم ىلگىشتەن باستالادى"، سولاي ەمەس پە؟ ەلورداعا كورىنگەن ادام كەلەدى. جارتى جىل تۇراقتايدى دا، ۇكىمەتتەن باسپانا سۇرايدى»، - دەيدى ازامات ايتحوجين.
بۇعان جاۋاپ رەتىندە استانا پوليسيا دەپارتامەنتى باستىعىنىڭ ورىنباسارى داۋرەن قازبەكوۆ باقىلاۋ بەكەتتەرىن ورناتۋ مۇمكىندىگى قاراستىرىلىپ جاتقانىن ايتتى.
ايتا كەتەيىك، دەپۋتاتتىڭ بۇل ءسوزى الەۋمەتتىك جەلىدە قىزۋ تالقىعا ءتۇسىپ كەتتى. كوپتەگەن جەلى قولدانۋشىلارى ءايتحوجيننىڭ ۇسىنىسىمەن كەلىسپەيتىندەرىن بىلدىرۋدە.
كوللاج: Dalanews.kz
