قما تۇركىستان وبلىسى بويىنشا دەپارتامەنتى مەديسينالىق جابدىقتاردى ساتىپ الۋ كەزىندە بيۋدجەت قاراجاتىن جىمقىرۋ دەرەگى بويىنشا تەرگەۋ جۇرگىزىپ جاتىر، دەپ حابارلايدى Dalanews.kz.
"قازىعۇرت اۋداندىق ورتالىق اۋرۋحاناسى" مكك بۇرىنعى باس دارىگەرى مەديسينالىق گازبەن جابدىقتاۋ جۇيەسىنە ارنالعان قۇرىلعىلاردى ساتىپ الۋ كەزىندە ولاردى جاساندى تۇردە بىرنەشە بولىككە ءبولىپ، كەيىن كوپتەگەن كەلىسىمشارت جاساۋ ارقىلى ساتىپ الۋدى ۇيىمداستىرعان.
سحەمانى جۇزەگە اسىرۋ ءۇشىن ول مەديسينالىق جابدىقتاردى جەتكىزۋ سالاسىندا تاجىريبەسى بار تانىسىن تارتقان. ول ءوزىنىڭ، تۋىستارى مەن تانىستارىنىڭ اتىنا تىركەلگەن كوممەرسيالىق ۇيىمداردى پايدالانعان.
وسى كومپانيالاردىڭ اتىنان ادەيى اسىرا كورسەتىلگەن كوممەرسيالىق ۇسىنىستار دايىندالعان. سونىمەن قاتار، جابدىقتى ءىس جۇزىندە باسقا كومپانيا جەتكىزگەنىمەن، قابىلداۋ اكتىلەرى مەن كەلىسىمشارتتار باقىلاۋىنداعى فيرمالار ارقىلى راسىمدەلگەن. اۋرۋحانادان وسى كومپانيالاردىڭ ەسەپشوتتارىنا قارجى تۇسكەننەن كەيىن كۇدىكتىلەر قاراجاتتى قولما-قول اقشاعا اينالدىرىپ، ءوزارا بولگەن. مەملەكەتكە كەلتىرىلگەن جالپى شىعىن 115 ملن تەڭگە بولادى.
قىلمىستىق جولمەن الىنعان تابىسقا كۇدىكتى ەلوردادان ەكى بولمەلى پاتەر ساتىپ العان، سوت سانكسياسىمەن بۇل مۇلىككە تىيىم سالىندى.
بۇرىنعى باس دارىگەرگە قاتىستى بۇلتارتپاۋ شاراسى رەتىندە كەپىل قولدانىلدى، ال ونىڭ سىبايلاسى ءۇي قاماقتا وتىر.
