بەلگٸلٸ جۋرناليست ەسەنگٷل كەپقىزى استانادا ٶرتتەن قازا تاپقان ٷش بالانىڭ وقيعاسىنا قاتىستى پٸكٸر بٸلدٸرٸپ, تٶتەنشە جاعداي كەزٸندە ارنايى قىزمەت كٶلٸكتەرٸنە كەدەرگٸ كەلتٸرەتٸن جٷرگٸزۋشٸلەر مەسەلەسٸن كٶتەردٸ, دەپ حابارلايدى Dalanews.kz.
جۋرناليست قوعامدا ٶزگەنٸ ويلاماي, تەك جەكە ىڭعايىن كٷيتتەيتٸن ەرەكەتتەر جيٸلەپ كەتكەنٸن ايتىپ, مۇنداي جاۋاپسىزدىق كەيدە ورنى تولماس قايعىعا سەبەپ بولاتىنىن جەتكٸزدٸ.
“جالپى ادامداردا ٶزگەگە بٶگەت بولمايىن, بٸرەۋدٸڭ جولىن بٶگەمەيٸن دەگەن يدەيا قالماعان. بٸز مۇندايمەن كٷندە بەتپە-بەت كەلەمٸز. ٶزٸمە ىڭعايلى بولسا بولدى, ٶزگەلەردە شارۋام جوق دەگەن نيەتپەن تالتاڭدايدى. سوندايلاردىڭ كەسٸرٸنەن كەشە استانادا ٷش سەبي ٶرتكە ورانىپتى, ٶكٸنٸشتٸ. اتا-اناسىنا قايعىسىنا ورتاقتاسىپ كٶڭٸل ايتامىن. ال قۇتقارۋ قىزمەتٸنە جولدى بٶگەگەن كٶلٸكتەردٸ سٷرٸپ تاستايتىن قۇقىق بەرگەن جٶن سيياقتى. ٶيتكەنٸ ادام تاعدىرى, سونىڭ ٸشٸندە بالا تاعدىرى سىنعا تٷسٸپ تۇر عوي”, - دەپ جازدى ول Facebook پاراقشاسىندا.
ەسكە سالايىق, 12 سەۋٸرگە قاراعان تٷنٸ استاناداعى تٷركٸستان كٶشەسٸندە ورنالاسقان 21 قاباتتى تۇرعىن ٷيدٸڭ 15-قاباتىنداعى پەتەردەن ٶرت شىققان. وقيعا ورنىندا ٷش بالانىڭ دەنەسٸ تابىلدى. ٶرت سٶندٸرۋشٸلەر بٸر ەيەلدٸ قۇتقارىپ, ونى كٷيٸك جاراقاتتارىمەن اۋرۋحاناعا جەتكٸزدٸ. جوعارعى قاباتتاردان 20 ادام ەۆاكۋاتسييالانىپ, تاعى شامامەن 40 تۇرعىن عيماراتتان ٶز بەتٸنشە شىققان.
ايتا كەتەيٸك, بالالاردىڭ قازا تابۋىنا بايلانىستى قىلمىستىق ٸس قوزعالدى. بۇل تۋرالى قالالىق پوليتسييا دەپارتامەنتٸ حابارلادى.
ۆەدومستۆو ٶكٸلدەرٸنٸڭ مەلٸمەتٸنشە, بولعان وقيعانىڭ بارلىق مەن-جايىن انىقتاۋعا باعىتتالعان جەدەل-تەرگەۋ شارالارى كەشەنٸ جٷرگٸزٸلٸپ جاتىر. تەرگەۋ نەتيجەسٸ بويىنشا تيٸستٸ قۇقىقتىق باعا بەرٸلمەك.
وقيعا ورنىندا پوليتسييا قىزمەتكەرلەرٸ اۋماقتى قورشاۋعا الىپ, ارنايى تەحنيكانىڭ كەدەرگٸسٸز ٶتۋٸن قامتاماسىز ەتۋ ٷشٸن تۇرعىن ٷي كەشەنٸنٸڭ اۋلاسىن تۇراقتا تۇرعان كٶلٸكتەردەن بوساتقان.
كەيٸن پوليتسييا دەپارتامەنتٸ وقيعا ورنىنا العاشقىلاردىڭ بٸرٸ بولىپ جەتكەن قىزمەتكەرلەردٸڭ بەينەتٸركەگٸشتەرٸنەن الىنعان جازبانى جارييالادى. كادرلاردا ولاردىڭ بٸردەن تۇرعىنداردى ەۆاكۋاتسييالاۋعا كٸرٸسكەنٸ كٶرٸنەدٸ.
استانا قالالىق تٶتەنشە جاعدايلار دەپارتامەنتٸ تٷنگٸ ٶرتكە قاتىستى قوسىمشا مەلٸمەت بەردٸ. قۇتقارۋشىلاردىڭ ايتۋىنشا, تۇرعىن ٷي كەشەنٸنٸڭ اۋلاسىنا كٸرەبەرٸس تەمٸر قاقپامەن جابىق بولعان, ال اۋلا كٶلٸكتەرمەن تولىپ تۇرعان.
استانا قالاسى تجد باستىعىنىڭ ورىنباسارى ٶمٸرجان تٷكٷشەۆتٸڭ ايتۋىنشا, ٶرت سٶندٸرۋ بٶلٸمشەلەرٸ كەلگەن كەزدە پەتەر تولىق اۋماعى بويىنشا اشىق جالىنعا ورانعان. پەتەر ەسٸگٸ جابىق بولعاندىقتان, قۇتقارۋشىلار ونى ارنايى قۇرالداردىڭ كٶمەگٸمەن اشۋعا مەجبٷر بولعان.
ونىڭ سٶزٸنشە, ٶرت دابىلى مەن حابارلاۋ جٷيەسٸ ٸسكە قوسىلىپ, ليفتٸلەر بٸرٸنشٸ قاباتقا تٷسكەن. سونىمەن قاتار, اۋلاعا كٸرەبەرٸس تەمٸر قاقپامەن جابىق بولىپ, اۋلا اۆتوكٶلٸكتەرمەن تولىپ تۇرعانىنا قاراماستان, ٶرتتٸڭ كٶرشٸ پەتەرلەرگە تارالۋىنا جول بەرٸلمەگەن.
