دٷنيەجٷزٸلٸك كٶشپەندٸلەر ويىندارىندا تۋرنيردٸڭ فينالىندا قىرعىزستان مەن قازاقستان قۇرامالارىنىڭ كٶكپارشىلارى جاپپاي تٶبەلەسە جازدادى, - دەپ حابارلايدى Dalanews.kz.
"ۇلىسمەديا" مەلٸمەتٸنشە, بٸرٸنشٸ تايمنىڭ سوڭىنا 6 مينۋت قالعاندا 1:3 ەسەبٸمەن قىرعىزستان قۇراماسى العا شىققان. وسىدان كەيٸن جانجال باستالىپ كەتتٸ. سپورتشىلار بٸرٸن-بٸرٸ قامشىمەن ۇردى. كەيٸن پوليتسييا كەلٸپ, ولاردى اجىراتتى. فينال ۋاقىتشا توقتاتىلدى. قوس تاراپ سابىرعا كەلٸپ, كەيٸننەن ويىن جالعاستى.
Massaget.kz مەلٸمەتٸنشە, ويىن نەتيجەسٸ بويىنشا, قازاقستان ۇلتتىق قۇراماسى توپ جاردى. وتانداستارىمىز فينالدا قىرعىز شاباندوزدارىن ۇتتى.
ەكٸنشٸ كەزەڭدە قازاقستان قۇراماسى ەسەپتٸ تەڭەستٸرٸپ قانا قويماي, 4:3 ەسەبٸمەن العا وزعان. الايدا قىرعىزدار ويىن اياقتالار تۇستا سالىم سالىپ, نەتيجەنٸ تەڭەستٸرٸپ كەتتٸ.
قوسىمشا ۋاقىتتاعى سايىستا 5:4 ەسەبٸمەن قازاقستان قۇراماسى جەڭٸسكە جەتتٸ.
"كٶشپەندٸلەر ويىندارىنىڭ وقۋ-جاتتىعۋ جيىنىن جىل باسىندا باستادىق. ەلدٸ قۋانتامىز دەگەن ماقساتىمىز بولعان ەدٸ. قىرعىز اعايىندارمەن كەزدەسۋ قيىن بولادى دەگەن ەدٸم. راسىندا سولاي بولدى. دەسە دە ەل نامىسىن قولدان بەرمەي, ٷمٸتتٸ اقتادىق", – دەدٸ كٶكپاردان ۇلتتىق قۇرامانىڭ باس باپكەرٸ اقىلباي مانكەەۆ.
قىرعىزستاندىق سپورتشىلار ماراپات اياقتالعانىن كٷتپەي تريبۋنادان كەتٸپ قالدى.
