استانادا اۆتوبۋس اپاتىنان كەيٸن اياعىنان ايىرىلعان قىز بالا ٷيدەن وقيتىن بولدى, دەپ حابارلايدى Dalanews.kz.
بۇل تۋرالى قازاقستاننىڭ وقۋ-اعارتۋ مينيسترٸ عاني بەيسەمباەۆ مەلٸمدەدٸ.
"قولدانىستاعى بارلىق زاڭناماعا سەيكەس, بالا ٷيدەن وقىتىلادى. رەابيليتاتسييادان كەيٸن, مٷمكٸن, مەكتەپتە وقۋىن جالعاستىرۋ مەسەلەسٸن قاراستىرۋعا بولادى. بۇل – ۇزاق پروتسەسس. ەزٸرگە تراگەدييا جاقىندا عانا بولعاندىقتان, ناقتى نە بولاتىنىن ايتۋ قيىن", – دەدٸ مينيستر پارلامەنت پالاتالارىنىڭ بٸرلەسكەن وتىرىسى كۋلۋارىندا.
ەسكە سالا كەتەيٸك, 2 ماۋسىمدا ەلوردادا جولاۋشىلار اۆتوبۋسى اپاتقا ۇشىراپ, بٸرنەشە ادام جاراقات العان بولاتىن. الۋا – سول اپاتتىڭ ەڭ اۋىر زارداپ شەككەن جولاۋشىلارىنىڭ بٸرٸ.
بۇعان دەيٸن بالا قۇقىقتارى جٶنٸندەگٸ ۋەكٸل دينارا زاكيەۆا بۇل وتباسىنىڭ جاعدايى استانا قالاسىنىڭ ەكٸمٸ جەڭٸس قاسىمبەكتٸڭ تٸكەلەي باقىلاۋىندا ەكەنٸن مەلٸمدەدٸ.
