Astanada avtobýs apatynan keıin aıaǵynan aıyrylǵan qyz bala úıden oqıtyn boldy, dep habarlaıdy Dalanews.kz.

Bul týraly Qazaqstannyń oqý-aǵartý mınıstri Ǵanı Beısembaev málimdedi.

"Qoldanystaǵy barlyq zańnamaǵa sáıkes, bala úıden oqytylady. Reabılıtasıadan keıin, múmkin, mektepte oqýyn jalǵastyrý máselesin qarastyrýǵa bolady. Bul – uzaq proses. Ázirge tragedıa jaqynda ǵana bolǵandyqtan, naqty ne bolatynyn aıtý qıyn", – dedi mınıstr Parlament palatalarynyń birlesken otyrysy kýlýarynda.

Eske sala keteıik, 2 maýsymda elordada jolaýshylar avtobýsy apatqa ushyrap, birneshe adam jaraqat alǵan bolatyn. Alýa – sol apattyń eń aýyr zardap shekken jolaýshylarynyń biri.

Buǵan deıin bala quqyqtary jónindegi ýákil Dınara Zakıeva bul otbasynyń jaǵdaıy Astana qalasynyń ákimi Jeńis Qasymbektiń tikeleı baqylaýynda ekenin málimdedi.