استانادا قالالىق جەدەل مەديتسينالىق جەردەم ستانتسيياسىنىڭ بۇرىنعى ديرەكتورى مەن ونىڭ ەكٸ قىزمەتكەرٸ بيۋدجەتتەن 443 ملن تەڭگەدەن استام قاراجات جىمقىرعانى ٷشٸن ۇزاق مەرزٸمگە سوتتالدى, دەپ حابارلايدى dalanews.kz.
استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتى «قالالىق جەدەل مەديتسينالىق جەردەم ستانتسيياسىنىڭ» بۇرىنعى ديرەكتورى و.-عا جەنە ونىڭ قاراماعىنداعى قىزمەتكەرلەر ب., ە., د.-عا قاتىستى ٷكٸم شىعاردى.
سوت مەلٸمەتٸنشە, 2020-2023 جىلدارى تٶتەنشە جاعداي كەزٸندە مەكەمە باسشىسى قاراماعىنداعى قىزمەتكەرلەردٸڭ كٶمەگٸمەن سانيتارييالىق اۆتوكٶلٸكتەردٸ جەدەل جٶندەۋ جەنە قاراجات ٷنەمدەۋ دەگەن جەلەۋمەن كەسٸپورىن بازاسىندا تەحنيكالىق قىزمەت كٶرسەتۋ ستانتسيياسىن ۇيىمداستىرعان.
الايدا ٸس جٷزٸندە جەدەل جەردەم كٶلٸكتەرٸنٸڭ قوسالقى بٶلشەكتەرٸ زاڭسىز ەسەپتەن شىعارىلىپ, ورىندالماعان جۇمىستار ٷشٸن اقىلى قىزمەت كٶرسەتۋ شارتتارى رەسٸمدەلگەن. سونىڭ سالدارىنان كەسٸپورىنعا جالپى سوماسى 443 ملن تەڭگەدەن استام زالال كەلتٸرٸلگەن. بۇل شىعىن ەلٸ ٶتەلمەگەن.
سونىمەن قاتار, تەحنيكالىق قىزمەت كٶرسەتۋ ستانتسيياسىنىڭ قىزمەتكەرٸ د. كەسٸپورىن مٷلكٸن 268 مىڭ تەڭگەدەن استام سوماعا جىمقىرعانى انىقتالعان.
سوت بۇرىنعى ديرەكتور و.-نى مەملەكەتتٸك قىزمەتتە قىزمەت اتقارۋ قۇقىعىنان ٶمٸر بويىنا ايىرا وتىرىپ, 9 جىلعا, ال ونىڭ ەكٸ قىزمەتكەرٸ ب. مەن ە.-نٸ ٶمٸر بويىنا مەملەكەتتٸك قىزمەتتە جۇمىس ٸستەۋ قۇقىعىنان ايىرا وتىرىپ, 8 جىلعا باس بوستاندىعىنان ايىردى.
د.-عا 2 جىلعا باس بوستاندىعىن شەكتەۋ جازاسى تاعايىندالدى. الايدا كەلتٸرٸلگەن زالالدى ٶتەپ, جەبٸرلەنۋشٸمەن تاتۋلاسۋىنا بايلانىستى راقىمشىلىق تۋرالى زاڭ نەگٸزٸندە جازادان بوساتىلدى.
سوت جەبٸرلەنۋشٸ كەسٸپورىننىڭ 443 ملن تەڭگە كٶلەمٸندەگٸ ازاماتتىق تالابىن تولىق قاناعاتتاندىردى.
ٷكٸم زاڭدى كٷشٸنە ەنگەن جوق.
