استانادا تۇرمىستىق قالدىقتاردى جينايتىن تٷرلٸ كونتەينەرلەر ورناتىلا باستادى
بٷگٸن «قۇرعاق» قالدىقتارعا ارنالعان 19 سارى كونتەينەر «ەسٸل» اۋدانىندا ورنالاسقان تٶرت تۇرعىن ٷي كەشەنٸندە ورنالاستىرىلدى. شٸلدەدە 45 اۋلادا وسىنداي 200 جەشٸك قويىلادى دەپ جوسپارلانۋدا. جالپىل العاندا, قالادا سارى تٷستٸ 6 276 كونتەينەر پايدا بولادى دەپ كٷتٸلۋدە.
– بٸز قوقىستى بٶلٸپ جيناۋدىڭ ەڭ قاراپايىم جٷيەسٸن تاڭداپ الدىق. قايتا پايدالانىلاتىن شيكٸزات سارى كونتەينەرگە تٷسكەننەن كەيٸن قالدىقتاردى ٶڭدەيتٸن زاۋىتقا جەتكٸزٸلەتٸلەدٸ. قاناتقاقتى جوبا ٶڭدەۋ تەرەڭدٸگٸن 25%-عا جەتكٸزۋگە مٷمكٸندٸك بەرەدٸ, – دەپ مەلٸمدەدٸ قورشاعان ورتانى قورعاۋ جەنە تابيعاتتى پايدالانۋ باسقارماسى قالدىقتاردى باسقارۋ بٶلٸمٸنٸڭ باسشىسى اينۇر سۇلتانعۇلوۆا.
جوبا اۋا لاستاۋىشتارىنىڭ مٶلشەرٸن, قالدىقتار جەتكٸزٸلەتٸن پوليگوندار سانىن ازايتىپ, تابيعي رەسۋرستاردى ساقتاۋعا, ولاردى ٷنەمدەۋگە مٷمكٸندٸك بەرەدٸ. اتالمىش جوبانى قالا ەكٸمدٸگٸ «وپەراتور روپ» جشس-مەن بٸرلەسٸپ ٸسكە اسىرىپ جاتىر. سارى كونتەينەرلەردٸ قازاقستاندا جاسالعان مامانداندىرىلعان جاڭا تەحنيكانىڭ 25 بٸرلٸگٸ بوساتىپ تۇرادى.
– قاعاز قالدىقتارىنان كارتون قوراپتاردى, گيگيەنالىق بۇيىمداردى جاساۋعا بولادى. شىنى بولسا, تٷرلٸ قۇتىلاردى, پلاستيك, مەتالل شەلەكتەردٸ, لەگەندەردٸ جاساۋ ٷشٸن قايتا قولدانۋعا جارامدى, – دەپ تٷسٸندٸردٸ «وپەراتور روپ» جشس-نٸڭ باسقارۋشى ديرەكتورى سەرگەي يۋرچا.
ونىڭ ايتۋىنا قاراعاندا, جىل سايىن استانادا قاتتى تۇرمىستىق قالدىقتاردىڭ 300 مىڭنان استام تونناسى قالىپتاسادى ەكەن. بۇل, شامامەن, تەۋلٸگٸنە 1000 توننا. قالدىقتاردىڭ اتالمىش كٶلەمٸنٸڭ 45% – قايتا قولدانىلىپ, ٶڭدەۋگە جارامدى شيكٸزات.
