استانادا قۇرىلىس نىساندارىنىڭ بٸرٸندە ەر ادام بيٸك كراننىڭ باسىنا شىعىپ, ەلدٸ دٷرلٸكتٸردٸ. ونىڭ بۇل ەرەكەتٸنە استانا ەكٸمدٸگٸ تٷسٸنٸكتەمە بەردٸ, دەپ حابارلايدى Dalanews.kz.
ەلەمجەلٸدە تاراعان ۆيدەودا ەر ادام جوعارعى سوتتىڭ شەشٸمٸنە نارازىلىعىن بٸلدٸرگەن.
استانا ەكٸمدٸگٸنٸڭ حابارلاۋىنشا, كرانعا شىعىپ العان “ەر-تاۋ” كومپانيياسىنىڭ باسشىسى م.تاسوۆ دەگەن ازامات. ول 2017 جىلى “شاۆگار” تك قۇرىلىسشىسى بولىپ, 2017 جىلى تۇرعىن ٷيدٸڭ ٸرگەتاسى مەن بٸرٸنشٸ قاباتىن سالعان. بٸراق ٷلەسكەرلەر ەلٸ كٷنگە دەيٸن ٶز پەتەرلەرٸن كٷتۋمەن جٷرگەن.
“قالا ەكٸمدٸگٸنٸڭ ۆەدومستۆوارالىق كوميسسيياسىنىڭ (ۆاك) شەشٸمٸ نەگٸزٸندە استانا قالاسى سارىارقا اۋدانىنىڭ پروكۋراتۋراسى نىساندى ٷلەسكەرلەرگە بەرۋ تۋرالى سوتقا تالاپ ارىز بەردٸ. 20.10.2023 ج. استانا قالاسىنىڭ مامانداندىرىلعان اۋدانارالىق ەكونوميكالىق سوتىنىڭ شەشٸمٸمەن جەر ۋچاسكەلەرٸ بار قۇرىلىس نىسانى “استانا سيتي 2023” ٷلەسكەرلەرٸنە بەرٸلدٸ. 05.07.2024 ج. جوعارعى سوتتىڭ ازاماتتىق ٸستەر جٶنٸندەگٸ سوت القاسىنىڭ قاۋلىسىمەن جەر ۋچاسكەلەرٸ بار قۇرىلىس نىسانى “استانا سيتي 2023” ٷلەسكەرلەرٸ ٷشٸن قالدىرىلدى”, - دەيدٸ ەكٸمدٸكتەن.
م.تاسوۆ نىساندى زارداپ شەككەن ٷلەسكەرلەرگە بەرۋ تۋرالى بۇل شەشٸممەن كەلٸسپەگەن.
“بارلىق قىزمەت ورنىندا بولدى. اۋدان, قالالىق ورتا ساپاسى مەن باقىلاۋ باسقارماسىنىڭ ٶكٸلدەرٸ, زاڭگەرلەر تٷسٸنٸكتەمە بەردٸ. الىنعان تٷسٸنٸكتەمەلەردەن كەيٸن م. تاسوۆ مۇنارا كرانىنان كەتتٸ. سونداي-اق, ونىڭ قاتىسۋىمەن قوسىمشا ۆاك وتىرىسى ٶتكٸزٸلەدٸ”, - دەيدٸ ەكٸمدٸك.
