– وعان داۋىم جوق. ايتسىن. جۇرت جاقسى كٶرسٸن. ريناتتىڭ ٶزٸ دە بٸلەدٸ, قاي جەردە جاقسى ايتقانىن, قاي جەردە جاقسى ايتىس جاساي الماعانىن.
قازان ايىندا استانادا ٶتكەن ايتىستا رينات جاقسى ايتىس جاسادى. باس جٷلدەنٸ داۋسىز جەڭٸپ الدى. وعان ەشكٸم كەدەرگٸ كەلتٸرٸپ جاتقان جوق. بٸراق شىندىعىن ايتۋ كەرەك, بٸزدٸڭ كەيبٸر ٷلكەن قالالار مەن وبلىستارداعى ايتىستارعا «رينات زايتوۆ پەن ايبەك قاليەۆ قاتىسپاسىن» دەگەن تالاپ قويىلادى.
ٶيتكەنٸ, وسى اقىندار ارتىق بٸردەمە ايتىپ قويسا, سالقىنى ٶزٸمٸزگە تيەدٸ دەپ قورقادى.
مىسالى, الداعى ايلاردا استانادا ٶتەتٸن ايتىسقا رينات, ايبەك, بەكارىستى ەكەلمەڭٸز دەگەن ەسكەرتۋ حات الدىم. مٸنە, كٶرەم دەسەڭٸز, ۇيالى تەلەفونىمدا تۇر.
– سٸز ٶتكٸزٸپ جاتقان ايتىستارعا شەنەۋنٸكتەر كەلٸپ, وتىرىپ تىڭداي ما?
– كەرەك بولسا, اتىن اتاپ, تٷسٸن تٷستەپ بەرەيٸن. ايتىستى قولداپ وتىرعان ەكٸمدەردٸڭ بٸرٸ – اتىراۋ وبلىسىنىڭ ەكٸمٸ نۇرلان نوعاەۆ.
سودان كەيٸن اقتٶبە وبلىسىنىڭ ەكٸمٸ بەردٸبەك ساپارباەۆ (كٷنٸ كەشە ساپارباەۆ ەڭبەك جەنە ەلەۋمەت مينيسترٸ بولىپ تاعايىندالدى, رەد), الماتىنىڭ ەكٸمٸ باۋىرجان بايبەك, باتىس قازاقستان وبلىسىنىڭ ەكٸمٸ التاي كٶلگٸنوۆ, قىزىلوردا وبلىسىنىڭ ەكٸمٸ قىرىمبەك كٶشەرباەۆ سيياقتى اتقامٸنەرلەر ايتىسقا قارجى شىعارىپ قانا قويماي, كەلٸپ وتىرىپ, ٶنەر دوداسىن كٶرٸپ, تاماشالاپ قايتادى.
اقىنداردىڭ ايتقان سىن-ەسكەرتپەلەرٸنەن قورىتىندى شىعارىپ, شارا قولدانىپ جاتادى.
بٸراق قاراعاندى وبلىسىنان قانشاما اقىن بار. اقىنى كٶپ بولعانىمەن, جىر دوداسىن ٶتكٸزۋگە شامالارى كەلمەي وتىر.
قانشا جىلدان بەرٸ ايتىپ-ايتىپ, جاماناتتى بولدىم. «ابىلايدى حان كٶتەرگەن ۇلىتاۋدى نەسيحاتتايىق» دەدٸم. بٸراق وبلىس باسشىسى كەرٸ تارتىپ كەلەدٸ.
«رۋحاني جاڭعىرۋ», «ۇلى دالانىڭ جەتٸ قىرى» دەپ جاتىرمىز. وندا ايتىس ٶتكٸزەيٸك. ايتىس ۇلى دالانىڭ ناعىز رۋحاني ٶنەرٸ عوي.
استانادا ايتىس ٶتسە, پارلامەنتتەگٸ دەپۋتاتتارعا, مينيسترلٸكتەگٸ اقجاعالىلارعا جٷزدەگەن بيلەت تاراتىلادى. مەن «ولار ايتىسقا كەلمەيدٸ. ەۋرە بولماڭدار» دەيمٸن. ايتقانىمداي, ول جاقتان ەشكٸم كەلمەيدٸ. كەلسە, سٶز تييۋٸ مٷمكٸن?
قازاق «ەر بولساڭ بوپساعا شىدا» دەيدٸ عوي. بٸراق ولار سٶزگە شىدامايدى. سوندىقتان ايتىسقا ات ٸزٸن سالمايدى.
ساۋالداسقان, جاراس كەمەلجان
