ەلورداداعى №43 قوسىمشا بٸلٸم بەرۋ مەكتەبٸنٸڭ وقۋشىلارى مەن ۇستازدارى ٶز قولدارىمەن الما باعىن وتىرعىزىپ, باپتاپ ٶسٸردٸ. بيىل ولار 60 كەلٸدەن استام ٶنٸم جينادى,- دەپ حابارلايدى Dalanews.kz
باققا «جاسىل ەل» جاساعىنىڭ مٷشەلەرٸ دە بٸرگە كٷتٸم جاسادى.
«بٷگٸن بٸز مەكتەبٸمٸزدٸڭ اۋلاسىندا ٶسٸرگەن المالارىمىزدى تەرٸپ جاتىرمىز. مۇندا تٶرت تٷرلٸ سورتتاعى 30-دان استام اعاش وتىرعىزىلعان. قاتتى اياز كەزٸندە باقتىڭ جارتىسىنان ايىرىلىپ قالا جازدادىق, بٸراق كٶكتەمدە وقۋشىلار ٷسٸك شالعان الما اعاشتارىن قايتا قالپىنا كەلتٸرۋگە كٸرٸستٸ. مٸنە, بٷگٸن سەبەتٸمٸزگە 60 كەلٸدەن استام الما جينالدى. بۇل – بٸزدٸڭ وقۋشىلارىمىزدىڭ, ۇستازدارىمىزدىڭ جەنە «جاسىل ەل» جاستارىنىڭ ەڭبەگٸ. باققا كٷتٸم جاساۋ, ەڭبەگٸمٸز – «تازا قازاقستان» باعدارلاماسىنىڭ اياسىندا جٷزەگە اسۋدا. بٷگٸن بٸز ٶز ٶنٸمٸمٸزگە عانا ەمەس, بالالارىمىزدىڭ جاۋاپكەرشٸلٸكتٸ ەرٸ ەڭبەكقور بولىپ ٶسٸپ كەلە جاتقانىنا قۋانىپ وتىرمىز», – دەدٸ مەكتەپ ديرەكتورى رۋسلان تەكەباەۆ.
«جاسىل ەل» جاساق مٷشەلەرٸ دە ٶز الما باعىنىڭ جەمٸس بەرگەنٸنە ەرەكشە قۋاندى.
«بٸز اعاشتارعا كٷتٸم جاساپ, زييانكەس جەندٸكتەردەن قورعادىق. ەندٸ مٸنە, وسىنداي تاماشا ٶنٸم الىپ وتىرمىز. ورتاق ەڭبەگٸمٸزدٸڭ نەتيجەسٸن كٶرۋ – ەرەكشە سەزٸم», — دەيدٸ ولار.
بۇل ٸرٸ ەكولوگييالىق باعدارلاما بالالاردا تابيعاتقا دەگەن سانالى جەنە ۇقىپتى قارىم-قاتىناستى قالىپتاستىرۋعا باعىتتالعان. جوبا مەكتەپتە ٷشٸنشٸ جىل جٷزەگە اسىرىلىپ كەلەدٸ.
باعدارلامانىڭ باستى بٶلٸگٸ – مەكتەپ اۋماعىندا وقۋشىلار, ۇستازدار جەنە اتا-انالار كٷشٸمەن ٶسٸرٸلگەن ٶنٸمدٸ جيناۋ. مۇعالٸمدەردٸڭ جەتەكشٸلٸگٸمەن بالالار قييار, قىزاناق, كٶك شٶپ, ورامجاپىراق, قىزىلشا جەنە سەندٸك ٶسٸمدٸكتەر ەگەدٸ. دەن سەبۋدەن باستاپ, ٶنٸمدٸ جيناۋعا دەيٸنگٸ بارلىق كەزەڭدٸ وقۋشىلار ٶزدەرٸ اتقارادى.
جينالعان ٶنٸم وقۋ پروتسەسٸندە جەنە تۇرمىستا پايدالانىلادى: بٸر بٶلٸگٸ مەكتەپ اسحاناسىنا جٸبەرٸلسە, ەكٸنشٸ بٶلٸگٸ جوباعا بەلسەندٸ قاتىسقان وقۋشىلاردىڭ وتباسىنا بەرٸلەدٸ.
ٶتكەن جىلى بۇل مەكتەپ رەسپۋبليكالىق «جاسىل الاڭ» جوباسىندا جەڭٸسكە جەتٸپ, 1 000 000 تەڭگە گرانت يەگەرٸ اتاندى. وسى قارجىعا زاماناۋي مەكتەپ باقشاسى قۇرىلىپ, وندا ارنايى دايىندالعان ەگٸن القاپتارى, تامشىلاتىپ سۋارۋ جٷيەسٸ, قاجەتتٸ قۇرالدار مەن جابدىقتار ورناتىلدى. سونىڭ ارقاسىندا بالالار اۋىل شارۋاشىلىعى داقىلدارىن ناقتى اگرارلىق جاعدايعا ۇقساس ورتادا ٶسٸرۋ مٷمكٸندٸگٸنە يە بولدى.
بٷگٸندە باقشادا بيولوگييا, ەڭبەك, دٷنيەتانۋ پەندەرٸ بويىنشا ساباقتار, سونداي-اق سىنىپتان تىس ٸس-شارالار مەن شەبەرلٸك ساباقتارى ٶتكٸزٸلەدٸ.
سوڭعى ٷش جىلدا مەكتەپ 15 ٸرٸ ەكولوگييالىق اكتسييا ۇيىمداستىردى.
