استانادا جەڭىل رەلستى كولىكتىڭ (LRT) 22 شاقىرىمدىق ەستاكادالىق جولىنىڭ قۇرىلىسىنا قاراستىرىلعان بارلىق 799 تىرەك سالىنىپ ءبىتتى. وعان 2،5 مىڭ جۇمىسشى جۇمىلدىرىلدى، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.

تىرەكتەردى قۇيۋ ءۇشىن 53،7 مىڭ تەكشە مەتر بەتون جانە 42 مىڭ توننا ارماتۋرا جۇمسالعان. تىرەكتىڭ تومەنگى بولىگىنىڭ ەنى – 2-2،4 مەتر، جوعارعى بولىگى – 6،8 مەتر، بيىكتىگى ەستاكادا جولىنىڭ وتەتىن جەرىنە بايلانىستى 5-تەن 18 مەترگە دەيىن، ءبىر تىرەكتىڭ ورتاشا سالماعى – 200 توننا.

قازاقستاندىق ستاندارتتار بويىنشا ۆ45 كلاسىنداعى م600 ماركالى بەتون قولدانىلعانىن ايتا كەتۋىمىز كەرەك. ۆ45 كلاسىنداعى بەتون گيدروەلەكتروستانسيالاردى، بەكىنىس قۇرىلىستارىن، بۋنكەرلەردى، مەتروپوليتەن، اۋىر مەتاللۋرگيا كاسىپورىندارىن، حيميالىق، عارىشتىق، قورعانىس زاۋىتتارىن، اتوم ەنەرگەتيكاسى وبەكتىلەرىن سالۋدا قولدانىلادى.

جەڭىل رەلستى ترانسپورت ەلورداداعى كولىك ينفراقۇرىلىمىن جاقسارتۋعا، قالا تۇرعىندارى مەن قوناقتارىنا ىڭعايلى قوعامدىق كولىك جۇيەسىن ۇسىنۋعا باعىتتالعان. الايدا، جوبا باستالعاننان بەرى ول ءتۇرلى قيىندىقتارعا تاپ بولعانى دا جاسىرىن ەمەس. LRT قۇرىلىسى العاش رەت 2011 جىلى ۇسىنىلعان. ونىڭ باستى ماقساتى — استانانىڭ جىلدام ءوسىپ كەلە جاتقان حالقىنىڭ كولىككە دەگەن سۇرانىسىن قاناعاتتاندىرۋ. جوبا بويىنشا، جەڭىل رەلستى ترانسپورت قالانىڭ اۋەجايى مەن ورتالىق اۋداندارىن بايلانىستىرىپ، قوعامدىق كولىكتى تيىمدىرەك ءارى ەكولوگيالىق تازا ەتۋى ءتيىس. LRT قۇرىلىسى – ەلدىڭ كولىك جۇيەسىن دامىتۋعا دەگەن ماڭىزدى قادامداردىڭ ءبىرى.