استانادا كەمەلەتكە تولماعان ازاماتتان 20 ميلليون تەڭگە بوپسالاعان تٶرت ادامعا سوت ٷكٸمٸ شىقتى, دەپ حابارلايدى Dalanews.kz.
تەرگەۋ نۇسقاسى بويىنشا, سوتتالعاندار جەبٸرلەنۋشٸنٸڭ شەتەلگە وقۋعا كەتەتٸنٸن جەنە ونىڭ اتا-اناسىنىڭ قارجىلىق جاعدايىن بٸلگەن سوڭ, الدىن الا سٶز بايلاسىپ, ودان 20 ميلليون تەڭگە تالاپ ەتكەن.
“ولار پسيحولوگييالىق قىسىم كٶرسەتٸپ, اتىس قارۋىن كٶرسەتٸپ قورقىتۋ ارقىلى 4 ميلليون تەڭگە كٶلەمٸندەگٸ اقشانى العان. توپتىڭ ەكٸ مٷشەسٸ جەبٸرلەنۋشٸدەن كەزەكتٸ 100 مىڭ تەڭگە الىپ جاتقاندا ۇستالدى. كەيٸنٸرەك قالعاندارى دا قولعا تٷستٸ”, – دەلٸنگەن حابارلامادا.
پروكۋرورلار ايىپتالۋشىلاردىڭ كٸنەسٸن تولىق دەلەلدەدٸ. سوت ەرقايسىسىن 10 جىلعا باس بوستاندىعىنان ايىردى. جەبٸرلەنۋشٸگە كەلتٸرٸلگەن ماتەريالدىق زالال تولىعىمەن ٶتەلدٸ. سونىمەن قاتار سوتتالعانداردان جەبٸرلەنۋشٸنٸڭ پايداسىنا 2 ميلليون تەڭگە كٶلەمٸندە مورالدىق ٶتەماقى ٶندٸرٸلدٸ.
سوت ٷكٸمٸ زاڭدى كٷشٸنە ەندٸ.
