استانادا جاڭا ٶرت بٶلٸمٸ ٸسكە قوسىلدى. بۇل تۋرالى قالا ەكٸمٸ جەڭٸس قاسىمبەك Instagram پاراقشاسىندا جازدى,- دەپ حابارلايدى Dalanews.kz
جاڭا بٶلٸم ەلورداداعى 36 مىڭنان استام تۇرعىنى بار قارقىندى دامىپ كەلە جاتقان ٷركەر ەلدٸ مەكەنٸندە ورنالاسقان. بۇعان دەيٸن ەڭ جاقىن ٶرت بٶلٸمٸ 15 شاقىرىم قاشىقتىقتا بولعان.
«جاڭا ٶرت بٶلٸمٸ تٶتەنشە جاعداي ورىندارىنا جىلدام جەتۋگە ايتارلىقتاي مٷمكٸندٸك بەرەدٸ. قر تٶتەنشە جاعدايلار مينيسترٸ شىڭعىس ارىنوۆپەن بٸرگە دەپونىڭ جابدىقتالۋىمەن تانىستىق. ٶرت بٶلٸمٸ زاماناۋي تەحنيكامەن تولىق قامتىلعان: اۆتوتسيستەرنالار, جەدەل ەرەكەت ەتۋ كٶلٸكتەرٸ بار. قىزمەتكەرلەر ٷشٸن جۇمىس ٸستەۋگە ىڭعايلى جاعداي جاسالعان», – دەپ جازدى قالا ەكٸمٸ.
ەكٸمنٸڭ ايتۋىنشا, ٶتكەن جىلى ەلوردادا ەكٸ ٶرت دەپوسى اشىلعان. سوڭعى ەكٸ جىلدا قالالىق تجد اۆتوپاركٸ 40-تان استام جاڭا تەحنيكامەن تولىققان, ولاردىڭ قاتارىندا زاماناۋي ۇشاتىن دروندار دا بار. قازٸرگٸ ۋاقىتتا تاعى ٷش ٶرت بٶلٸمٸندە كٷردەلٸ جٶندەۋ جۇمىستارى جٷرگٸزٸلۋدە.
بۇدان بٶلەك, ازاماتتىق قورعاۋ قىزمەتكەرلەرٸن ەلەۋمەتتٸك قولداۋ شارالارى جالعاسۋدا. ٶتكەن جىلى ولارعا 50 پەتەر بەرٸلسە, بيىل تاعى 15 قىزمەتتٸك پەتەر تابىستالماق.
قالا باسشىسى ازاماتتىق قورعاۋ جٷيەسٸن ودان ەرٸ كٷشەيتۋ جۇمىستارى جالعاساتىنىن اتاپ ٶتتٸ.
