اسكەرگە شاقىرىلۋشىلار الدىندا قازاقستان رەسپۋبليكاسى قورعانىس ءمينيسترىنىڭ ورىنباسارى، گەنەرال-لەيتەنانت سۇلتان كامالەتدينوۆ، استانا اكىمىنىڭ ورىنباسارى ەسەت بايكەن، «قارۋلى كۇشتەردىڭ ارداگەرلەرى» رقب باسشىلىعى، «جاس سارباز» بالالار-جاسوسپىرىمدەر اسكەري-پاتريوتتىق قوزعالىسىنىڭ گەنەرالدارى مەن وفيسەرلەرى، اسكەري كوللەدج ۇلاندارى جانە گارنيزون اسكەري بولىمدەرىنىڭ مەرزىمدى اسكەري قىزمەتىنىڭ اسكەري قىزمەتشىلەرى ءسوز سويلەدى.
«وتان الدىندا ازاماتتىق بورىش وتەۋ – ۇلكەن مارتەبە. بۇگىنگى تاڭدا ەلوردادا جاسوسپىرىمدەر اراسىندا اسكەري-پاتريوتتىق تاربيە بويىنشا جۇيەلى جۇمىس ءجۇرىپ جاتىر. قورعانىس ىستەرى دەپارتامەنتىمەن بىرلەسىپ شاقىرۋ ناۋقانى جانە سالالىق باعىتتاعى باسقا دا ءىس-شارالار وتكىزىلەدى. بيىل استانادان قارۋلى كۇشتەر قاتارىنا 100-دەن استام جاس جاۋىنگەر اتتاندى. جاقىندا اسكەري جيىنداردى وتكىزۋ ءۇشىن جاڭا كەشەندى عيمارات پايدالانۋعا بەرىلدى. سونداي-اق، شايقاستارعا قاتىسقان ارداگەرلەر ۇيىمدارى، «جاس سارباز» اسكەري-پاتريوتتىق كلۋبتارى ءىس-شارالاردى قوعامدىق نەگىزدە ۇيىمداستىرادى. قالا مەكتەپتەرىندە اسكەري دايىندىقتىڭ ءبىرىنشى كۋرسى وقىتىلادى. بۇگىنگى ءىس-شارانى ءبىز داستۇرگە اينالدىرامىز. ويتكەنى، ءاربىر ءجاسوسپىرىم وتاندى قورعاۋدىڭ قاسيەتتى پارىز ەكەنىن ءبىلۋى كەرەك»، – دەدى استانا اكىمىنىڭ ورىنباسارى ەسەت بايكەن.
«بۇگىنگى اسكەري-پاتريوتتىق ءىس-شارادا ءبىز كوللەدجدەر مەن ۋنيۆەرسيتەتتەردىڭ ستۋدەنتتەرىنە كوپتەگەن تەحنيكا، قارۋ-جاراق، كيىم ۇلگىسىن ۇسىنعىمىز كەلەدى. ءبىز ولاردى ارميا ومىرىمەن تانىستىرامىز جانە ارمياداعى قىزمەت تۋرالى مالىمەتتەر بەرەمىز. بۇدان باسقا، بۇگىن استانادان اسكەرگە شاقىرىلۋشىلاردىڭ كەزەكتى كومانداسى بەلگىلەندى. ەلوردالىق بالالار دەسانتتىق-شابۋىل بولىمدەرىندە قىزمەت ەتەتىن بولادى. ولارعا جاقسى قىزمەت، ال جاس ۇرپاققا الداعى قىزمەتكە دايىن بولۋىن تىلەيمىز!» – دەدى ەلوردانىڭ قورعانىس ىستەرى دەپارتامەنتىنىڭ وكىلى عاني ارتىقوۆ.
ول سونداي-اق ءىس-شارا ءۇش كەزەڭنەن تۇراتىنىن ايتتى. بۇل اسكەري تەحنيكامەن جانە قارۋ-جاراقپەن تانىسۋ، بولاشاق ساربازدارعا بەرىلەتىن تاپسىرمالار، سونداي-اق اسكەري كونسەرت.
ءىس-شاراعا ەلوردالىق مەكتەپتەردىڭ وقۋشىلارى، كوللەدجدەر مەن اسكەري كافەدرالاردىڭ ستۋدەنتتەرى قاتىستى.
كازگيۋۋ اسكەري كافەدراسىنىڭ ستۋدەنتى دارحان كوشىمۇرات وتان الدىنداعى اسكەري بورىشىن ورىنداۋ قاسيەتتى ءىس دەپ سانايتىنىن ايتىپ ءوتتى.
«ءبىزدىڭ ۋنيۆەرسيتەتتە اسكەري كافەدرا بار، وندا ءتورت ماماندىق وقىتىلادى: تاربيە جۇمىسىن ۇيىمداستىرۋ، اۋماقتىق قورعانىستى ۇيىمداستىرۋ، اسكەري زاڭگەر جانە پسيحولوگ. مەن اسكەري پسيحولوگ رەتىندە وقيمىن جانە كافەدرانى بىتىرگەننەن كەيىن «زاپاستاعى لەيتەنانت» ماماندىعىن الامىن. بۇگىنگى ءىس-شارا بولاشاق وتان قورعاۋشىلار ءۇشىن وتە ماڭىزدى. ول جاستاردىڭ بويىندا پاتريوتتىق رۋحتى تاربيەلەيدى جانە اسكەري قىزمەتتىڭ ءيميدجىن ايتارلىقتاي ارتتىرادى. سونداي-اق بىزگە بولاشاقتا اسكەري سالادا قالاي دامي الاتىنىمىز ايتىلادى»، – دەدى ستۋدەنت.
سونداي-اق، فيلارمونيا عيماراتىنىڭ الدىنداعى الاڭدا اسكەري تەحنيكا مەن قارۋ-جاراق كورمەسى ۇيىمداستىرىلدى، وندا «كوبرا»، «ارلان» برونەترانسپورتەرلەرى، مينادان تازارتۋ ماشيناسى، بتر-80، كۆادراسيكلدەر، مينومەتتەر، سونداي-اق اتىس قارۋىنىڭ ۇلگىلەرى ۇسىنىلدى.
ەستەرىڭىزگە سالا كەتەيىك، 1 ناۋرىزدان باستاپ ەلىمىزدە مەرزىمدى اسكەري قىزمەتكە شاقىرۋ باستالدى. اسكەر قاتارىنا قوسىلۋ ءۇشىن اسكەرگە شاقىرىلعانداردىڭ دەنساۋلىعى جاقسى جانە پسيحولوگيالىق تۇرعىدان مىعىم بولۋى كەرەك. ءدال وسى قاسيەت اسكەردە ءوزىن شىنىقتىرۋعا مۇمكىندىك بەرەدى.
