ەلوردادا Allur جەنە Li Auto برەندٸنٸڭ العاشقى تولىققاندى ديلەرلٸك ورتالىعىنىڭ اشىلۋ رەسٸمٸ ٶتتٸ, دەپ حابارلايدى Dalanews.kz.
سالتاناتتى شاراعا Li Auto كومپانيياسىنىڭ حالىقارالىق بيزنەسٸن باسقاراتىن جەتەكشٸ مامان نەستور ۆۋ, Allur كومپانييالار توبىنىڭ باسشىلىعى, تۇتىنۋشىلار, سەرٸكتەستەر, سونداي-اق تانىمال اۆتوبلوگەرلەر مەن ينفليۋەنسەرلەر قاتىستى. قوناقتارعا Li Auto-نىڭ L6, L7 جەنە L9 مودەلدەرٸ, يننوۆاتسييالىق ينتەللەكتۋالدى جٷيەلەر جەنە سەرۆيس ستاندارتتارى تانىستىرىلدى.
Allur كومپانييالار توبىنىڭ بٶلشەك ساۋدا جٶنٸندەگٸ باسقارۋشى ديرەكتورى مۇحامەد ەلٸمحانوۆ بۇل وقيعانىڭ كومپانييا ٷشٸن ماڭىزىن اتاپ ٶتتٸ.
«بٸز ٷشٸن ەربٸر ديلەرلٸك ورتالىقتىڭ اشىلۋى — جاي عانا جەلٸنٸ كەڭەيتۋ ەمەس. بۇل — كليەنتتەر ٷشٸن ىڭعايلى ەرٸ يننوۆاتسييالىق ەكوجٷيە قۇرۋ جولىنداعى ماڭىزدى قادام. Li Auto — ويلاستىرىلعان جايلىلىقتىڭ, ەسەرلٸ تەحنولوگييالاردىڭ جەنە بولاشاققا باتىل كٶزقاراستىڭ ٷيلەسٸمٸ. بۇل بولاشاق بٸزگە تاعى دا جاقىنداي تٷستٸ. Li Auto-مەن ستراتەگييالىق ەرٸپتەستٸك — بٸزدٸڭ كومپانييا ٷشٸن اسا ماڭىزدى باعىت. اقپاندا الماتىدا 3S فورماتىنداعى جاڭا زاماناۋي اۆتوورتالىق اشىپ, جەلٸنٸ ودان ەرٸ كەڭەيتەمٸز», — دەدٸ ول.
ٶز كەزەگٸندە Li Auto كومپانيياسىنىڭ حالىقارالىق بيزنەس جٶنٸندەگٸ باسقارۋشى ديرەكتورى نەستور ۆۋ استاناداعى ورتالىقتىڭ اشىلۋى جاڭا كەزەڭنٸڭ باستاۋى ەكەنٸن ايتتى.
«بٷگٸن بٸز استانادا جاي عانا اۆتوسالون اشىپ تۇرعان جوقپىز. بٸز Allur سىندى نارىق كٶشباسشىسىمەن بٸرلەسكەن جاڭا كەڭٸستٸكتٸڭ نەگٸزٸن قالاۋدامىز. مۇندا ينتەللەكتۋالدى جٷيەلەر, گيبريدتٸ تەحنولوگييالار جەنە پرەميالدى جايلىلىقتىڭ جاڭا مٷمكٸندٸكتەرٸ توعىسادى», — دەدٸ ول.
Li L6 مودەلٸ Pro جەنە Max جيىنتىقتارىندا ۇسىنىلعان, باعاسى 22 990 000 تەڭگەدەن باستالادى. L7 جەنە L9 مودەلدەرٸ Ultra جيناعىندا قولجەتٸمدٸ — پرەميالدى ينتەرەر, ٷلكەن ديسپلەيلەر جەنە سالونداعى قوسىمشا مٷمكٸندٸكتەرٸمەن ەرەكشەلەنەدٸ.
رەسمي Allur | Li Auto ديلەرلٸك ورتالىعىنان گيبريدتٸ كٶلٸك ساتىپ العان كليەنتتەر ٷش جىل نەمەسە 100 مىڭ شاقىرىم كەپٸلدٸككە, تٷپنۇسقا قوسالقى بٶلشەكتەرگە جەنە تۇراقتى باعدارلامالىق جاڭارتۋلارعا قول جەتكٸزەدٸ. جاڭا اۆتوورتالىق تولىق تسيكلدٸ كەيٸنگٸ قىزمەت كٶرسەتۋدٸ ۇسىنادى. Li ماركالى اۆتوكٶلٸك يەلەرٸنٸڭ باسىم بٶلٸگٸ رەسمي سەرۆيستٸڭ جوعارى دەڭگەيٸن باعالاپ ٷلگەرگەن.
Allur كومپانيياسىنىڭ جوسپارىندا — Li Auto مودەلدٸك قاتارىن كەڭەيتۋ, سونداي-اق قارجىلىق ٶنٸمدەر مەن ساتۋدان كەيٸنگٸ قىزمەتتەردٸ ۇسىنۋ بار.
جاڭا ديلەرلٸك ورتالىق استانا قالاسىندا, تۇران داڭعىلى 59/4 مەكەنجايىندا ورنالاسقان.
