ۇلتتىق ەكونوميكا ءمينيسترى سەرىك جۇمانعارين “استانا” حالىقارالىق فورۋمىن وتكىزۋگە 4،5 ملرد تەڭگە بولىنەتىنىن مالىمدەدى، دەپ حابارلايدى Dalanews.kz.
“4،5 ملرد تەڭگە – شامامەن بەلگىلەنگەن سوما. ءبىز مۇمكىندىگىنشە وڭتايلاندىرۋعا تىرىسامىز. ءبىراق مۇنداي دەڭگەيدەگى فورۋمدار ءۇشىن بۇل اسا ۇلكەن سوما ەمەس”، – دەدى ۇلتتىق ەكونوميكا ءمينيسترى سەرىك جۇمانعارين.
ايتا كەتەيىك، 29-30 مامىردا “استانا” حالىقارالىق فورۋمى وتەدى. بۇل تۋرالى ۇكىمەت باسشىسى حابارلادى.
“استانا حالىقارالىق فورۋمىن دايىنداۋدىڭ جانە وتكىزۋدىڭ ۇيىمداستىرۋشىلىق جانە مازمۇندىق ماسەلەلەرىن شەشۋ ءۇشىن استانا حالىقارالىق فورۋمىن دايىنداۋ جانە ونى وتكىزۋ جونىندەگى ۇيىمداستىرۋ كوميتەتىنىڭ قۇرامى بەكىتىلسىن. ۇيىمداستىرۋ كوميتەتى استانا حالىقارالىق فورۋمىنىڭ جوعارى حالىقارالىق دەڭگەيدە دايىندالۋىن جانە وتكىزىلۋىن ۇيىمداستىرۋدى، ونىڭ ىشىندە مەملەكەتتىك ورگاندار مەن ۇيىمداردىڭ استانا حالىقارالىق فورۋمىن دايىنداۋ جانە ونى وتكىزۋ جونىندەگى قىزمەتىن ۇيلەستىرۋدى قامتاماسىز ەتسىن”، - دەلىنگەن وكىمدە.
فورۋمدى ۇيىمداستىرۋ جانە باقىلاۋ پرەمەر-مينيستردىڭ ورىنباسارى – ۇلتتىق ەكونوميكا مينيسترىنە جۇكتەلدى.
ەسكە سالايىق، وتكەن جىلى سۋ تاسقىنىنا بايلانىستى استانا حالىقارالىق فورۋمى وتكىزىلمەگەن بولاتىن.
