Ulttyq ekonomika ministri Serik Jumanǵarin “Astana” halyqaralyq forýmyn ótkizýge 4,5 mlrd teńge bólinetinin málimdedi, dep habarlaidy Dalanews.kz.
“4,5 mlrd teńge – shamamen belgilengen soma. Biz múmkindiginshe ońtailandyrýǵa tyrysamyz. Biraq mundai deńgeidegi forýmdar úshin bul asa úlken soma emes”, – dedi Ulttyq ekonomika ministri Serik Jumanǵarin.
Aita keteiik, 29-30 mamyrda “Astana” halyqaralyq forýmy ótedi. Bul týraly Úkimet basshysy habarlady.
“Astana halyqaralyq forýmyn daiyndaýdyń jáne ótkizýdiń uiymdastyrýshylyq jáne mazmundyq máselelerin sheshý úshin Astana halyqaralyq forýmyn daiyndaý jáne ony ótkizý jónindegi uiymdastyrý komitetiniń quramy bekitilsin. Uiymdastyrý komiteti Astana halyqaralyq forýmynyń joǵary halyqaralyq deńgeide daiyndalýyn jáne ótkizilýin uiymdastyrýdy, onyń ishinde memlekettik organdar men uiymdardyń Astana halyqaralyq forýmyn daiyndaý jáne ony ótkizý jónindegi qyzmetin úilestirýdi qamtamasyz etsin”, - delingen ókimde.
Forýmdy uiymdastyrý jáne baqylaý Premer-ministrdiń orynbasary – Ulttyq ekonomika ministrine júkteldi.
Eske salaiyq, ótken jyly sý tasqynyna bailanysty Astana halyqaralyq forýmy ótkizilmegen bolatyn.
