– ەلوردادا 200-دەن استام ٷي ورنالاسقان «نۇر-بەسٸك» شاعىن اۋدانى (كٶكتال 1 ەلدٸ مەكەنٸ) بار. مۇندا مىڭنان استام ادام تۇراقتى تٷردە تۇرىپ كەلەدٸ. بۇل شاعىن اۋداندا قالا تۇرعىندارى 2007 جىلدان بەرٸ تۇرىپ جاتقانىمەن, 16 جىلدان بەرٸ ٷيلەرٸنە قۇقىق بەلگٸلەيتٸن قۇجاتتارى بولماعان.
سول سەبەپتٸ ولار ٶز ٷيلەرٸنە زاڭدى تٷردە تٸركەتە الماعان. وسىلايشا ولاردىڭ ەمدەۋ مەكەمەلەرٸنە تٸركەلۋٸنە, بالالارىن بالاباقشاعا, مەكتەپكە بەرۋ مەسەلەسٸ قيىن بولعانى جاسىرىن ەمەس. بۇدان كەيٸن شاعىن اۋدانى تۇرعىندارى تۋىستارىنىڭ ٷيلەرٸنە تٸركەلٸپ, مەسەلەلەرٸن شەشٸپ كەلدٸ, – دەدٸ قالا باسشىسى.
استانا قالاسى ەكٸمدٸگٸ «نۇر-بەسٸك» شاعىن اۋدانىنىڭ تۇرعىندارى جەر ۋچاسكەلەرٸن زاڭداستىرۋ مەسەلەسٸ بويىنشا بٸرٸنشە كەزدەسۋ ٶتكٸزگەن بولاتىن. قالا باسشىسى جەڭٸس قاسىمبەك سول كەزدەسۋلەردەن كەيٸن شاعىن اۋدان تۇرعىندارىنىڭ مەسەلەسٸ وڭ باعىتتا شەشٸلگەنٸن العا تارتتى.
– بٸزدەر بۇل باعىتتا اۋقىمدى جۇمىستار جٷرگٸزٸپ, تەحنيكالىق مەسەلەلەردٸڭ بەرٸن شەشتٸك. قازٸرگٸ ۋاقىتتا تۇرعىندارعا قۇقىق بەلگٸلەيتٸن قۇجاتتاردى بەرۋ رەسٸمٸ جٷرٸپ جاتىر. ەندٸ ولاردى رەسمي تٷردە ەلوردا تۇرعىندارى دەپ ايتۋعا بولادى. اۋدان تۇرعىندارى اراعا 16 جىل سالىپ ٷيلەرٸن تٸركەۋ قۇقىعىنا يە بولدى.
بٷگٸندە شاعىن اۋداندى اباتتاندىرۋمەن دە اينالىسىپ جاتىرمىز. سۋمەن جابدىقتاۋ, سۋ بۇرۋ, نٶسەر كەرٸزٸ, ەلەكترمەن جابدىقتاۋ, گازبەن جابدىقتاۋ سىندى ينجەنەرلٸك جەلٸلەردٸڭ قۇرىلىسى بويىنشا جۇمىس اياقتالدى. سول سيياقتى الداعى ۋاقىتتا كٶشەلەرگە اسفالت تٶسەلدٸ, جارىقتاندىرۋ باعانالارى, 3 ايالداما, ينتەرنەت ورناتىلاتىن بولادى. ەكٸمدٸك قالا ماڭىنداعى ەلدٸ مەكەندەرٸن دامىتۋدى ارى قاراي جالعاستىرا بەرەتٸن بولادى, – دەدٸ جەڭٸس قاسىمبەك.
