قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ ٷلكەن نەمەرە كەلٸنٸ ايدا ەليەۆا جاقىن ادامىنىڭ دەنساۋلىعىنا قاتىستى ەسەرلٸ جازبا جارييالادى, دەپ dalanews.kz تٸلشٸسٸ Politico.kz سايتىنا سٸلتەمە جاساپ حابارلايدى.
داريعا نازارباەۆا مەن راحات ەليەۆتٸڭ ۇلى نۇرەلٸنٸڭ جۇبايى قازٸرگٸ ۋاقىتتا شەتەلدە تۇراتىنىن ايتىپ, ناۋقاس ەجەسٸنٸڭ جانىندا كٷن سايىن بولا المايتىنىن جەتكٸزدٸ. ول ەلەۋمەتتٸك جەلٸدە ەجەسٸمەن بٸرگە تٷسكەن سۋرەتتەرٸن بٶلٸسٸپ, قارت كٸسٸگە كٷتٸم جاساپ جٷرگەن تۋىستارىنا العىس ايتتى.
ايدا ەليەۆانىڭ سٶزٸنشە, ونىڭ ەجەسٸ بٸرنەشە جىلدان بەرٸ دەمەنتسييامەن اۋىرادى. سوعان قاراماستان, كەي سەتتەردە ول كٸسٸ ەرەكشە سەرگٸپ, انىق سٶيلەي باستايتىنىن جازدى.
"ەجەمنٸڭ بٸرنەشە جىلدان بەرٸ دەمەنتسيياسى اسقىنىپ كەلەدٸ. كٷندەلٸكتٸ ٶمٸردە ول كٸسٸ كٶبٸنە سٶيلەسكٸسٸ كەلمەيدٸ, تۇيىقتالىپ, ۇزاق ۋاقىت ٷنسٸز قالۋى مٷمكٸن. بٸراق مەن "اقماما, بالالار مەن نەمەرەلەر ٷشٸن ۆيدەو جازايىقشى, سٸزدٸڭ سٶزدەرٸڭٸزدٸ ساقتاپ قالۋ مەن ٷشٸن ٶتە ماڭىزدى" دەسەم, بٸر عاجايىپ بولادى. ول كٸسٸ جيناقتالىپ, جاندانىپ, سٶيلەي باستايدى. سونداي انىق ەرٸ تٷسٸنٸكتٸ سٶيلەيدٸ, كٶپ ادام ونىڭ دەمەنتسييامەن اۋىراتىنىنا سەنبەيدٸ", – دەپ جازدى ايدا ەليەۆا.
سونىمەن قاتار ول ەجەسٸنٸڭ جانىندا كٷن سايىن ٶزٸنٸڭ تەتەسٸ, ياعني ناۋقاستىڭ كەلٸنٸ بار ەكەنٸن اتاپ ٶتتٸ. ەليەۆا مۇنى ٷلكەندەرگە دەگەن شىنايى ماحاببات پەن قامقورلىقتىڭ ٷلگٸسٸ دەپ باعالادى.
ونىڭ ايتۋىنشا, قارت ادامدارمەن قارىم-قاتىناستا ەڭ ماڭىزدىسى – نازار, مەيٸرٸم جەنە قاسىندا بولۋ. تٸپتٸ ەگدە جاستاعى ادام سٶيلەسكٸسٸ كەلمەسە دە, ونى قۇشاقتاپ, قولىنان ۇستاپ, جانىندا وتىرۋدىڭ ٶزٸ ٷلكەن قولداۋ ەكەنٸن ايتتى.
"يە, كەيدە قارت ادامدارمەن تٸل تابىسۋ وڭاي ەمەس. بٸراق بٸز كٸشكەنتاي بولعان كەزدە, بٸزبەن دە ەردايىم وڭاي بولعان جوق قوي", – دەپ جازدى ول.
جازبا سوڭىندا ايدا ەليەۆا العىس پەن ماحابباتتىڭ تەك سٶزبەن ەمەس, ناقتى ەرەكەتپەن كٶرٸنەتٸنٸن ەسكە سالدى.
"العىس بٸر-بٸرٸمٸزگە بٶلەتٸن ۋاقىتپەن, كٶڭٸلمەن, قامقورلىقپەن جەنە جاي عانا قاسىندا بولۋمەن ٶلشەنەدٸ", – دەدٸ ول.
