الدىمەن قوناقتار وتىرار مٶلتەك اۋدانىندا بولىپ, ەكٸمشٸلٸك-ٸسكەرلٸك ورتالىقتا بوي كٶتەرٸپ جاتقان نىسانداردى ارالاپ كٶردٸ. وندا قازٸرگٸ تاڭدا 26 كٶپقاباتتى تۇرعىن ٷيدٸڭ قۇرىلىس جۇمىستارى جٷرگٸزٸلۋدە. 1536 پەتەردٸڭ 1200-ٸ (20 تۇرعىن ٷي) ارەندالىق ٷيلەر بولسا, قالعان 6 تۇرعىن ٷي, ياعني 336 پەتەر كرەديتتٸك باسپانالار قاتارىندا.
بيىل قىركٷيەك ايىندا ٸرگەتاسى قالانىپ, مەملەكەتتٸك بيۋدجەت ەسەبٸنەن سالىنىپ جاتقان 60 پەتەرلٸ 20 تۇرعىن ٷيدٸڭ 11-ٸ (660 پەتەر) 2019 جىلدىڭ سەۋٸر ايىندا تاپسىرىلادى. ال, 9 تۇرعىن ٷي (540 پەتەر) كەلەر جىلدىڭ قاراشا ايىنا ەل يگٸلٸگٸنە بەرٸلمەك. كرەديتتٸك كٶپقاباتتى 6 تۇرعىن ٷيدٸڭ (336 پەتەر) قۇرىلىس جۇمىستارى 2019 جىلدىڭ ماۋسىم ايىندا اياقتالىپ, پايدالانىلۋعا تاپسىرىلادى.
سونداي-اق, وندا مەملەكەتتٸك-جەكەشەلٸك ەرٸپتەستٸك اياسىندا 280 ورىندىق بالاباقشا پايدالانۋعا بەرٸلٸپ, 900 ورىندىق مەكتەپ الداعى جىلى وقۋ جىلى قارساڭىندا اشىلاتىن بولادى. ودان بٶلەك, ٸسكەرلٸك ورتالىقتا ەكٸمشٸلٸك عيماراتى, باسقارمالار جەنە دەپارتامەنتتەر ٷيلەرٸ جەنە 5 جۇلدىزدى «ريكسوس» قوناق ٷيٸنٸڭ قۇرىلىسى باستالىپ كەتتٸ.
قر پرەمەر-مينيسترٸنٸڭ بٸرٸنشٸ ورىنباسارى باستاعان جۇمىسشى توپقا تٷركٸستان قالاسىنىڭ ەكٸمٸ ەلٸپبەك ٶسەرباەۆ وبلىس ورتالىعىن ينفراقۇرىلىممەن قامتۋ جوسپارىمەن تانىستىردى.
تٷركٸستان قالاسىنىڭ ينجەنەرلٸك ينفراقۇرىلىمى قازٸرگٸ تاڭدا سالىنىپ جاتقان ەكٸمشٸلٸك-ٸسكەرلٸك ورتالىعىنىڭ 270 گەكتار جەنە رۋحاني-مەدەني ورتالىعىنىڭ 98 گەكتار اۋماعىن قامتاماسىز ەتۋگە مٷمكٸندٸك بەرەدٸ. 2018 جىلى تٷركٸستان قالاسىندا 20 مىڭ ابونەنت گازبەن قامتاماسىز ەتٸلٸپ, قامتۋ دەڭگەيٸ 58 پايىزعا جەتەتٸن بولادى.
سونداي-اق, استانالىق دەلەگاتسييا «ەزٸرەت-سۇلتان» مەملەكەتتٸك تاريحي-مەدەني قورىعىنا ايالدادى. وندا قوجا احمەت ياساۋي كەسەنەسٸنٸڭ ماڭىنان سالىناتىن تاريحي ارحيتەكتۋرالىق جوبالاردىڭ نوبايىمەن تانىستى. اتالعان اۋماقتاعى 98 گەكتار جەرگە رۋحاني جەنە مەدەني ورتالىق سالىناتىن بولادى.
