بوكستان 2023 جىلعى ەلەم چەمپيونى, قازاقستان ۇلتتىق قۇراماسىنىڭ بۇرىنعى كاپيتانى اسلانبەك شىمبەرگەنوۆ سپورتتىق مانسابىن اياقتايتىنىن مەلٸمدەدٸ, دەپ حابارلايدى dalanews.kz.
بۇل تۋرالى ول Sportbugin.kz تٸلشٸسٸنە بەرگەن سۇحباتىندا ايتقان.
شىمبەرگەنوۆتٸڭ سٶزٸنشە, شارشى الاڭعا قايتا ورالۋ جوسپارى بولعان. ول تٸپتٸ جاتتىعۋعا كٸرٸسٸپ كٶرگەنٸمەن, كەيٸن مانسابىن جالعاستىرماۋ تۋرالى شەشٸم قابىلداعان.
"بٸراق, قولىم جٷرمەدٸ. سوندىقتان, كەسٸبي مانسابىمدى اياقتايمىن دەپ شەشتٸم. بٷگٸندە جامبىل وبلىسىنداعى كەسٸبي بوكس كلۋبىندا باسشىنىڭ ورىنباسارى بولىپ جۇمىس ٸستەپ جٷرمٸن", – دەدٸ ول.
اسلانبەك شىمبەرگەنوۆ 1993 جىلعى 9 قازاندا جامبىل وبلىسىندا دٷنيەگە كەلگەن. ول ۇزاق جىلدار بويى قازاقستان ۇلتتىق قۇراماسىنىڭ ساپىندا ٶنەر كٶرسەتتٸ.
سپورتشى – قازاقستاننىڭ ەكٸ دٷركٸن چەمپيونى, 2022 جىلعى ازييا چەمپيونى جەنە 2023 جىلعى ەلەم چەمپيونى. سونداي-اق ول 2019 جىلى ەسكەريلەر اراسىنداعى ەلەم چەمپيوناتىندا توپ جارعان. شىمبەرگەنوۆ 2018 جىلعى ازييا ويىندارىندا كٷمٸس, 2023 جىلعى ازييا ويىندارىندا قولا جٷلدە يەلەندٸ. بۇدان بٶلەك, ول 2024 جىلعى پاريج وليمپياداسىنا قاتىستى.
