ق ر پارلامەنت ماجىلىسىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اسىل تۇقىمدى مال شارۋاشىلىعى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تانىستىرىلدى، – دەپ حابارلايدى قازاقپارات.

قۇجات جوباسىنىڭ ماقساتى – اسىل تۇقىمدى مال شارۋاشىلىعى جۇيەسىنە وزىق حالىقارالىق تاجىريبەنى ەنگىزۋدى قامتاماسىز ەتەتىن زاماناۋي نورماتيۆتىك بازانى قۇرۋ تۇرعىسىندا مال شارۋاشىلىعى سالاسىنداعى زاڭنامانى ودان ءارى جەتىلدىرۋ.

زاڭ جوباسىمەن «اكىمشىلىك قۇقىق بۇزۋشىلىق تۋرالى» ق ر كودەكسىنە جانە «اسىل تۇقىمدى مال شارۋاشىلىعى تۋرالى»، «سەلەكسيالىق جەتىستىكتەردى قورعاۋ تۋرالى» جانە «رۇقساتتار جانە حابارلامالار تۋرالى» ق ر زاڭدارىنا وزگەرتۋلەر ەنگىزىلۋدە.

اۋىل شارۋاشىلىعى ۆيسە-ميرنيسترى گۇلميرا يسايەۆا زاڭ جوباسىنىڭ نەگىزگى تۇستارىنا توقتالدى.

–  «اكىمشىلىك قۇقىق بۇزۋشىلىق تۋرالى» ق ر كودەكسىنە سايكەس، اسىل تۇقىمدى مال شارۋاشىلىعى سالاسىنداعى زاڭنامانى قايتالاپ بۇزعانى ءۇشىن سۋبەكتىلەر قىزمەتتەرىن توقتاتاتىن ەدى. ۇسىنىپ وتىرعان زاڭ جوباسىندا تالاپتاردى بۇزۋ جاعدايلارى جويىلعانعا دەيىن سۋبەكتىلەردىڭ قىزمەتىن توقتاتا تۇرۋعا تارتىبىنە اۋىسۋ كوزدەلگەن. وسىلايشا، جازالاۋدىڭ تىم قاتال تۇرلەرىن بەلگىلەۋ اسىل تۇقىمدى مال شارۋاشىلىعى سالاسىنداعى قىزمەتتەر سەكتورىن دامىتۋعا مۇمكىندىك بەرمەيتىندىكتەن، جاۋاپكەرشىلىك شارالارىن جەڭىلدەتەمىز، – دەدى ۆيسە-مينيستر.

ۇعىمدىق اقپاراتتا «اسىل تۇقىمدىق قۇندىلىق»، «اسىل تۇقىمدىق ءونىم»، «اۋىل شارۋاشىلىعى مالدارى»، «اسىل تۇقىمدى مال» جانە «سەلەكسيالىق ءارى اسىل تۇقىمدىق جۇمىستار» تەرميندەرى ەۋرازيالىق ەكونوميكالىق وداق اياسىندا اۋىل شارۋاشىلىعى مالدارىنا سەلەكسيالىق اسىلداندىرۋ جۇمىسىن جۇرگىزۋدى بىرىزدەندىرۋگە باعىتتالعان شارالار تۋرالى كەلىسىمگە سايكەس كەلتىرىلەدى.

جوبانىڭ 10-بابىندا قازاقستان رەسپۋبليكاسىنىڭ اسىل تۇقىمدى مال شارۋاشىلىعى جۇيەسى اسىل تۇقىمدى مال شارۋاشىلىعى سالاسىنداعى رەسپۋبليكاندىق پالاتالارمەن، اسىل تۇقىمدى مالدى وسىرۋمەن اينالىساتىن جانە اسىل تۇقىمدى ءونىمدى پايدالاناتىن جەكە ءارى زاڭدى تۇلعالار، بونيتەرلەر، ۇرىقتاندىرۋشى تەحنيكتەر، ەمبريونداردى ترانسپلانتتاۋ جونىندەگى ماماندارمەن تولىقتىرىلدى.

بەلگىلى بولعانداي، 13 باپتا ۋاكىلەتتى ورگاننىڭ قۇزىرەتى كەلەسى وكىلەتتىكتەرمەن تولىقتىرىلدى:

- اسىل تۇقىمدى مال شارۋاشىلىعى سالاسىنداعى رەسپۋبليكاندىق پالاتتالاردىڭ قىزمەتىنە ادىستەمەلىك جەتەكشىلىكتى جۇزەگە اسىرۋ؛

- مالعا يندەكستىك باعالاۋدى جۇرگىزۋ قاعيدالارىن ازىرلەۋ جانە بەكىتۋ؛

- مولەكۋليارلىق-گەنەتيكالىق ساراپتاما جۇرگىزۋ قاعيدالارىن ازىرلەۋ جانە بەكىتۋ؛

- يپپودرومداردا اسىل تۇقىمدى جىلقىلاردى سىناۋ قاعيدالارىن ازىرلەۋ مەن بەكىتۋ.

–  سونىمەن قاتار، رەسپۋبليكالىق پالاتارلاردىڭ جاۋاپكەرشىلىگىن زاڭدى دەڭگەيدە بەكىتۋ تۋرالى جاڭا باپ قاراستىرىلۋدا، – دەدى گ. يسايەۆا.