Qujat jobasynyń maqsaty – asyl tuqymdy mal sharýashylyǵy júiesine ozyq halyqaralyq tájiribeni engizýdi qamtamasyz etetin zamanaýi normativtik bazany qurý turǵysynda mal sharýashylyǵy salasyndaǵy zańnamany odan ári jetildirý.
Zań jobasymen «Ákimshilik quqyq buzýshylyq týraly» QR Kodeksine jáne «Asyl tuqymdy mal sharýashylyǵy týraly», «Selektsiialyq jetistikterdi qorǵaý týraly» jáne «Ruqsattar jáne habarlamalar týraly» QR Zańdaryna ózgertýler engizilýde.
Aýyl sharýashylyǵy vitse-mirnistri Gúlmira Isaeva zań jobasynyń negizgi tustaryna toqtaldy.
– «Ákimshilik quqyq buzýshylyq týraly» QR kodeksine sáikes, asyl tuqymdy mal sharýashylyǵy salasyndaǵy zańnamany qaitalap buzǵany úshin sýbektiler qyzmetterin toqtatatyn edi. Usynyp otyrǵan zań jobasynda talaptardy buzý jaǵdailary joiylǵanǵa deiin sýbektilerdiń qyzmetin toqtata turýǵa tártibine aýysý kózdelgen. Osylaisha, jazalaýdyń tym qatal túrlerin belgileý asyl tuqymdy mal sharýashylyǵy salasyndaǵy qyzmetter sektoryn damytýǵa múmkindik bermeitindikten, jaýapkershilik sharalaryn jeńildetemiz, – dedi vitse-ministr.
Uǵymdyq aqparatta «asyl tuqymdyq qundylyq», «asyl tuqymdyq ónim», «aýyl sharýashylyǵy maldary», «asyl tuqymdy mal» jáne «selektsiialyq ári asyl tuqymdyq jumystar» terminderi Eýraziialyq ekonomikalyq odaq aiasynda aýyl sharýashylyǵy maldaryna selektsiialyq asyldandyrý jumysyn júrgizýdi birizdendirýge baǵyttalǵan sharalar týraly kelisimge sáikes keltiriledi.
Jobanyń 10-babynda Qazaqstan Respýblikasynyń asyl tuqymdy mal sharýashylyǵy júiesi asyl tuqymdy mal sharýashylyǵy salasyndaǵy respýblikandyq palatalarmen, asyl tuqymdy maldy ósirýmen ainalysatyn jáne asyl tuqymdy ónimdi paidalanatyn jeke ári zańdy tulǵalar, boniterler, uryqtandyrýshy tehnikter, embriondardy transplanttaý jónindegi mamandarmen tolyqtyryldy.
Belgili bolǵandai, 13 bapta ýákiletti organnyń quzireti kelesi ókilettiktermen tolyqtyryldy:
- asyl tuqymdy mal sharýashylyǵy salasyndaǵy respýblikandyq palattalardyń qyzmetine ádistemelik jetekshilikti júzege asyrý;
- malǵa indekstik baǵalaýdy júrgizý qaǵidalaryn ázirleý jáne bekitý;
- molekýliarlyq-genetikalyq saraptama júrgizý qaǵidalaryn ázirleý jáne bekitý;
- ippodromdarda asyl tuqymdy jylqylardy synaý qaǵidalaryn ázirleý men bekitý.
– Sonymen qatar, respýblikalyq palatarlardyń jaýapkershiligin zańdy deńgeide bekitý týraly jańa bap qarastyrylýda, – dedi G. Isaeva.
