⠀
بۇگىن تاۋەلسىز جۋرناليست، مەديامەنەدجەر اسەت ماتايەۆ ق ر پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىنا ءتۇسۋ ءۇشىن كانديداتۋراسى تىركەلگەنى تۋرالى كۋالىك الدى. سايلاۋ 19 ناۋرىزدا وتەدى.
⠀
«دوستار، مارەگە جەتىپ قالدىق! ءبىر اپتادان سوڭ سايلاۋالدى جۇمىستىڭ جاريا كەزەڭى باستالادى جانە مەن ناقتى جوسپارلارىمدى ايتىپ بەرە الامىن. سىزدەردىڭ قولداۋلارىڭىزدى سەزىنىپ جاتىرمىن، جازعان ءار جىلى سوزدەرىڭىز ءۇشىن راحمەت»، - دەدى اسەت ماتايەۆ ءوزىنىڭ Telegram-ارناسىندا.
⠀
اسەت ماتايەۆ №5 وكرۋگتە تىركەلدى. وعان بوستاندىق، مەدەۋ جانە ناۋرىزباي اۋداندارى جاتادى.
⠀
قازاقستان بويىنشا سايلاۋعا 29 ءبىرمانداتتى وكرۋگتەن بارلىعى 609 كانديدات تۇسەدى.
⠀
ەسكە سالا كەتەيىك، اسەت ماتايەۆ سايلاۋعا تۇسكىسى كەلەتىنىن 1 اقپاندا مالىمدەگەن ەدى. قازتاگ اقپاراتتىق اگەنتتىگىنىڭ باسشىسى اسەت ماتايەۆ پەن ونىڭ اكەسى، جۋرناليستەر وداعىنىڭ باسشىسى سەيىتقازى ماتايەۆ ساياسي سەبەپتەرگە بايلانىستى زاڭسىز سوتتالعان.
2022 جىلعى شىلدەدە ءتورتىنشى تالپىنىستان سوڭ جوعارى سوت اسەت پەن سەيىتقازى ماتايەۆتى تولىعىمەن اقتادى.
⠀
وسىعان دەيىن اسەت ماتايەۆ بىرنەشە وزەكتى ماسەلەلەرگە قاتىستى ۇستانىمىن جەتكىزدى. ول الماتىنىڭ ناۋرىزباي اۋدانىنداعى سۋ تاپشىلىعى ماسەلەسىن كوتەرىپ، جاڭا «ماسس-مەديا تۋرالى» زاڭ جوباسىنا قاتىستى ۇسىنىستارىن ءبولىستى. سونداي-اق تۇركيا مەن سيرياداعى قايعىلى وقيعانى ەسكەرە وتىرىپ الماتىدا جەر سىلكىنگەن جاعدايدا قانداي قاۋىپسىزدىك شارالارى قاجەت ەكەنىن ناقتىلاپ، ۇسىنىستار جاساپ، وي تولعادى.
