ەلباسىمىز نۇرسۇلتان نازاربايەۆتىڭ باستاماسىمەن ەلىمىزدى مەكەندەگەن دياسپرو وكىلدەرى 27 جىلدان بەرى رۋحاني كەلسىم كۇنىن اتاپ ءوتىپ كەلە جاتقانى بەلگىلى. قازاقستانداعى دوستىق پەن تاتۋلىقتىڭ جارشىسى بولعان رۋحاني كەلسىم كۇنىن شىعىسقازاقستاندىقتار دا ءوز دەڭگەيىندە اتاپ ءوتىپ، دوستىق پەن رۋحاني كەلسىمنىڭ ەل ومىرىندە ماڭىزدى ورىن الاتىنىن بارىنشا سەزىندى دەسەك ارتىق ايتقاندىق بولماس ەدى.
وسكەمەن قالاسىنداعى دوستىق ۇيىندە ۇيىمداستىرىلعان مۋزىكا جانە پوەزيا كەشىنە وبلىس اۋماعىندا جۇمىس ىستەيتىن ەتنومادەني بىرلەستىك مۇشەلەرى مەن وبلىستاعى 12 ءدىني كونفەسسيا وكىلدەرى ءبىر ءۇيدىڭ بالاسىنداي تەگىس قاتىسىپ، اۋىزبىرشىلىگىن كورسەتتى.
بۇدان باسقا رۋحاني كەشكە شىعارماشىلىق ۇجىمدار، ارادەگرەل مەن باسقارما باسشىلارى دا قاتىسىپ، قازاق، ورىس تىلدەرىندە جىرلاردى تىڭداپ قۇلاق قۇرىشىن قاندىردى.
كەش بارىسىندا دوستىق ءۇيىنىڭ فوەيسىندە «رۋحاني كەلسىم – بىرلىككە باستايدى» دەگەن تاقىرىپتا كورمە ۇيىمداستىرىلعانىن ايتا كەتۋىمىز كەرەك. كورمەگە قويىلعان ءدىنىي ەكسپوناتتار، قاسيەتتى كىتاپتار مەن جازبالار، فوتوسۋرەتتەردەن تاماشالعان جۇرت شىعىس قازاقستاندا ۇلتارىلىق تاتۋلىقتىڭ تامىرى تەرەڭدە جاتقانىن كۋا بولدى.
وسى رەتتە اتىلمىش كورمەنى ۇيىمداستىرۋعا شىعىس قازاقستان وبلىسىنداعى حاليفا التاي مەشىتى ايرىقشا دايىندالعانى بايقالدى. مەشىت ۇجىم كورمەگە قاسيەتتى قۇراننىڭ قازاق، ورىس، اراب جانە فرانسۋز تىلىندە اۋدارىلعان كونە نۇسقالارىن جۇرتشىلىق نازارىنا ۇسىندى.
بۇدان باسقا 18-19 عاسىرلاردى جارىق كورگەن «شارح ۋل ۋيكويا»، «داليايل ال-حايرات» دەپ اتالاتىن كونە ءدىني كىتاپتاردى جۇرتشىلىقتىڭ نازارىنا ۇسىندى.
رۋحاني كەش بارىسىندا ءسوز سويلەگەن شىعىس قازاقستان وبلىسى اكىمىنىڭ ورىنباسارى اسەم ءنۇسىپوۆا كوپشىلىك قاۋىمدى رۋحاني كەلسىم كۇنىمەن قۇتتىقتاپ، تاۋەلسىز قازاقستاننىڭ دامۋىنىڭ وزەگىندە بەرەكە-بىرلىك پەن ۇلتارالىق كەلسىم جاتقانىن اتاپ ءوتتى. بۇدان كەيىن اكىمنىڭ ورىنباسارى وڭىردەگى رۋحاني كەلىسىمگە ءوز ۇلەسىن قوسىپ جۇرگەن قوعام بەلسەندىلەرى مەن ءدىن قىزمەتكەرلەرىن شقو اكىمىنىڭ ماقتاۋ قازعازى مەن باعالى سىيلىقتارىن تابىس ەتتى.
– ءبىزدىڭ وبلىسىمىزدى كوپتەگەن ەتنوس پەن ءتۇرلى كونفەسسيا وكىلدەرى مەكەندەيدى. ولاردىڭ ءبارى بىر-بىرىمەن ءتاتۋ-تاتتى عۇمىر كەشۋدە. بۇل ءبىزدىڭ باستى بايلىعىمىز دەسەك بولادى. بۇگىنگى رۋحاني كەش – ءبىر-بىرىمىزدىڭ باسىمىزدى قوسىپ، جاقسى تىلەكتەر ارناۋعا جانە ءارقايسىمىزعا ادام ومىرىندە تاتۋلىق پەن رۋحاني كەلسىمنىڭ قانشالىقتى ماڭىزدى ءرول اتقاراتىنىن ەسىمىزگە سالعانىمەن قۇندى بولىپ تۇر، – دەپ اسەم ءنۇسىپوۆا كوكەيدە جۇرگەن اق تىلەگىن اقتاردى. ءوز كەزەگىندە شىعىس قازاقستان وبلىسى ءدىن ىستەرى جونىندەگى باسقارمانىڭ باسشىسى ءانۋار ابدۋلين وڭىردەگى وزگە ۇلت وكىلدەرىن وسىنداي رۋحاني كەش اياسىندا باسىن بىرىكتىرىپى، ءوزارا پىكىر الماسۋىنا، ءبىر-بىرىنىڭ مادەني قۇندىلىقتارىمەن تانىسۋعا مۇكىندىك تۋعانىن العا تارتتى.
