گرۋزييادا قايتىس بولعان قازاق قىزىنىڭ ەپكەسٸنٸڭ ايتۋىنشا, تاعى ەكٸ قىز الىس تۋىسقانىنىڭ قۇربانى بولۋى مٷمكٸن.
"استانا" تەلەارناسىنىڭ حابارلاۋىنشا, قايعىلى وقيعادان كەيٸن زارداپ شەككەندەردٸڭ ٶزدەرٸ تۋىستارىنىڭ ٷيٸنە بارعان. بٸراق تەرگەۋ مٷددەسٸ ٷشٸن ولار كامەراعا سٶيلەۋدەن باس تارتتى. مۇرات مەيٸربەكوۆ ٶتكەن دەمالىس كٷندەرٸ نۇر-سۇلتاندا ۇستالعانى حابارلاندى. ول ادام ساۋداسى ايىبى بويىنشا كٷدٸكتٸ رەتٸندە تانىلعان.
قىز گرۋزيياداعى كٶپقاباتتى ٷيدٸڭ تەرەزەسٸ الدىنان ٶلٸ كٷيٸندە تابىلدى. وندا ول الىس تۋىسىنىڭ شاقىرۋىمەن جۇمىسقا بارعان. بۇل ٶتە ٶرەسكەل قاتەلٸك بولدى دەيدٸ مارقۇمنىڭ تۋىستارى. ەسەلدٸڭ ەپكەسٸنٸڭ ايتۋىنشا, ول ەرقاشان شەتەلدە ٶمٸر سٷرۋدٸ ارمانداعان. ٶز پەتەرٸنە اقشا جيناعىسى كەلگەن. قىز ٷيٸنە تابىتپەن ورالادى دەپ ەشكٸم ويلاماعان.
ەگەر ونى بٶتەن بٸرەۋ شاقىرسا, ول شەتەلگە بارماس ەدٸ. بٸز دە ونى جٸبەرمەس ەدٸك. ال بۇل رەتتە تۋىسىمىز عوي, شىنىمەن دە كٶمەكتەسٸپ جٸبەرەدٸ دەپ ٷمٸتتەنٸپ, سەندٸك. سٶيتسەك ەسەل ونىڭ بٸرٸنشٸ قۇربانى ەمەس ەكەن. ينستاگرام ارقىلى بٸزگە تاعى ەكٸ قىز شىقتى. مىنا مەيٸربەكوۆ ول ەكٸ قىزعا دا شىعىپ, شەتەلگە شاقىرىپتى, - دەيدٸ مارقۇمنىڭ ەپكەسٸ.
ٶلەر الدىندا ەسەل وتباسىنا ەر اداممەن بولعان ٶزارا سٶزدٸڭ اۋديوحابارلاما جٸبەرگەن. وندا بويجەتكەن مەيٸربەكوۆتٸڭ ٶزٸنە بٸرنەشە رەت قورلىق كٶرسەتكەنٸن ايتادى. گرۋزييا پروكۋراتۋراسى وعان سىرتتاي زورلاۋ ايىبىن تاندى. كٷدٸكتٸنٸڭ ٶزٸ قايعىلى وقيعادان كەيٸن تبيليسيدەن بٸردەن قاشىپ كەتكەن. ەر ادام دەمالىس كٷندەرٸ قازاقستان استاناسىندا ۇستالدى. مۇندا ول ادام ساۋداسى بويىنشا كٷدٸكتٸ رەتٸندە ۇستالعان.
سەبەبٸ ادام قازاقستان رەسپۋبليكاسىنىڭ اۋماعىندا قىلمىس جاساعان بولسا, وندا ول وسى جەردە جاۋاپ بەرەدٸ. سونداي-اق, حالىقارالىق شارتتا ادامداردى ايعاق بەرۋگە نەمەسە كٷدٸكتٸلەردەن جاۋاپ الۋ ۇشٸن بٸر-بٸرٸنە بەرۋ مٷمكٸندٸگٸ قاراستىرىلعان, - دەدٸ ادۆوكات ۆلاديمير ۆاتىك.
كٷدٸكتٸ ۇستالىپ, نۇر-سۇلتانداعى ۋاقىتشا ۇستاۋ يزولياتورىنا قامالدى. تەرگەۋ ەرەكەتتەرٸ جٷرگٸزٸلۋدە, سوتقا دەيٸنگٸ تەرگەۋ جالعاسۋدا.
قازاقستانداعى ادام قۇقىقتارى جٶنٸندەگٸ ۋەكٸل دە ٸستٸڭ بارىسىن جەكە ٶز قاداعالاۋىنا الدى.
