سيرييا پرەزيدەنتٸ باشار اساد داماسك ەگەر سيرييا وپپوزيتسيياسىمەن كەلٸسسٶز ٶتكٸزۋ ۇسىنىسى ٸسكە اسسا "نە نەرسەگە قاتىستى بولسا دا" ديالوگقا دايىن ەكەنٸن مەلٸمدەدٸ.
اساد 9 قاڭتاردا سيرييالىق SANA اگەنتتٸگٸندە جارييالانعان, فرانتسۋز جۋرناليستەرٸنە بەرگەن سۇحباتىندا كەلٸسسٶز مەرزٸمٸ بەلگٸلەنە سالىسىمەن ٶزٸ باسقاراتىن ٷكٸمەتتٸڭ كەلٸسسٶزگە قاتىساتىن دەلەگاتسيياسى دايىن بولاتىنىن ايتتى.
رەسەي, يران جەنە تٷركييا بەيبٸت كەلٸسسٶزدٸ استانادا ٶتكٸزۋدٸ ۇسىنعان. ال تٷركييا سىرتقى ٸستەر مينيسترٸ مەۆليۋت چاۆۋشوگلۋ كەلٸسسٶز 23 قاڭتاردا باستالۋى مٷمكٸن ەكەنٸن مەلٸمدەگەن. سيرييانىڭ وپپوزيتسيياشىل توپتارى استانادا كەلٸسسٶز ٶتكٸزۋ مٷمكٸنشٸلٸكتەرٸن تالقىلاپ جاتقانىمەن, وعان قاتىساتىنى تۋرالى ەلٸ رەسمي تٷردە بٸلدٸرگەن جوق.
اساد سۇحباتىندا كەلٸسسٶزگە "شىنايى" وپپوزيتسيياشىل توپتاردىڭ قاتىسقانى ماڭىزدى ەكەنٸن بٸلدٸرٸپ, سيريياداعى ساۋد ارابيياسى مەن باتىس ەلدەرٸ قولدايتىن وپپوزيتسيياشىل كٷشتەردٸڭ بٸتٸم ورناتۋداعى رٶلٸن ازايتۋعا تىرىستى. "شىنايى" دەگەندە مەن ساۋد ارابيياسى, فرانتسييا نەمەسە ۇلىبريتانييا قولدايتىنداردى ەمەس, حالىقتىڭ ٶز ٸشٸنەن شىققان وپپوزيتسييانى ايتىپ تۇرمىن. سيرييانىڭ مەسەلەلەرٸن سيرييا وپپوزيتسيياسى تالقىلاۋى تيٸس" دەدٸ اساد.
باشار اساد سونىمەن قاتار بولاشاقتا سيرييا پرەزيدەنتتٸگٸنە قايتا سايلاۋعا تٷسۋدەن باس تارتۋ ۇسىنىسىنا قاتىستى كوممەنتاريي بەرۋدەن باس تارتىپ, ول مەسەلە "سيرييا حالقىنىڭ قالاۋىنا بايلانىستى شەشٸلەتٸنٸن" ايتتى.
