تٷركٸستان وبلىسىنىڭ ارىس قالاسىندا جانتٷرشٸگەرلٸك جول اپاتى بولىپ, تٶرت ادام كٶز جۇمدى, دەپ حابارلايدى dalanews.kz.
الدىن الا مەلٸمەتتەر بويىنشا, ەيەل ادام باسقارعان كٶلٸك جەكەمەنشٸك ٷيدٸڭ قورشاۋىنا سوعىلىپ, ٷيدٸڭ الدىندا ورىندىقتا وتىرعان ادامداردى قاعىپ كەتكەن. سالدارىنان تٶرت ادام قازا تاپقان. قازا بولعانداردىڭ اراسىندا ەكٸ كٸشكەنتاي بالا مەن جٷكتٸ ەيەل بار.
وقيعا سالدارىنان تاعى ەكٸ ادام اۋىر جاراقات الىپ, اۋرۋحاناعا جەتكٸزٸلگەن.
جۋرناليست ميحايل كوزاچكوۆتىڭ دەرەككٶزٸنٸڭ مەلٸمەتٸنشە, كٶلٸك تٸزگٸنٸندە 52 جاستاعى بيبينۇر قاسىموۆا بولعان. ول مەكتەپتە جۇمىس ٸستەيتٸنٸ, ال بوس ۋاقىتىندا تاكسي قىزمەتٸمەن اينالىساتىنى ايتىلعان.
ساراپتاما قورىتىندىسى بويىنشا, ەيەل ادام اپات كەزٸندە الكوگولدٸك ماس كٷيدە بولعان.
قازٸرگٸ تاڭدا وعان ابايسىزدا جاسالعان قىلمىس بابى بويىنشا ايىپ تاعىلۋى مٷمكٸن. ميحايل كوزاچكوۆ قولدانىستاعى زاڭناما بويىنشا مۇنداي قىلمىس ٷشٸن ەڭ جوعارى جازا 10 جىلعا دەيٸن باس بوستاندىعىنان ايىرۋ ەكەنٸن, الايدا تاراپتاردىڭ تاتۋلاسۋى نەمەسە شارتتى تٷردە مەرزٸمٸنەن بۇرىن بوساپ شىعۋ مٷمكٸندٸگٸ قوعامدا قىزۋ تالقىلانىپ جاتقانىن اتاپ ٶتتٸ.
وسى وقيعادان كەيٸن جۋرناليست ماس جٷرگٸزۋشٸلەرگە قاتىستى جازانى كٷشەيتۋ مەسەلەسٸن كٶتەرٸپ, دەپۋتاتتارعا ٷندەۋ جولداعان.
