بۇل تۋرالى ول ارنايى باسپاسٶز مەسليحاتى كەزٸندە ايتتى دەپ حابارلادى Tengrinews.kz.
«بٸزگە بالانىڭ شەشەسٸ حابارلاستى. سٶيتٸپ بٸز ونىمەن كەزدەستٸك, جانىمىزدا ادۆوكات بولدى. ول بٸزدٸڭ كٶزٸمٸزشە بالانىڭ اپاسىنا قوڭىراۋ شالدى. بارلىق تەلەفون ٶشٸرۋلٸ بولدى.
بالا مەن اپاسى بار ۆيدەو شىققان سوڭ تاراعان سٶزگە ول سەنبەيدٸ. ٶيتكەنٸ ولار ورالماندار, ورىسشا سٶيلەي المايدى ەكەن.
اباي اۋىلىنا كٶشٸپ كەلگەن. بٸراق اپاسى جۇمىسقا ورنالاسا الماعان, سەبەبٸ وتباسىندا قاراۋدى قاجەت ەتەتٸن مٷگەدەك ادام بار», — دەدٸ ارۋجان ساين الماتىداعى باسپاسٶز مەسليحاتىندا.
قوعام بەلسەندٸسٸ بالا شەشەسٸنٸڭ استاناعا اتتانىپ كەتكەنٸن دە ايتتى.
«ول ەيەل ساۋاتى تٶمەن ەكەنٸن ٶزٸ مويىندادى. ٶيتكەنٸ 8-سىنىپتان سوڭ جۇمىسقا شىعىپ كەتٸپتٸ. دەرەتحانا جۋعان, ىدىس جۋعان. ال قازٸر اسحانادا جۇمىس ٸستەپ, بۇل ٸستٸ جاقسى مەڭگەرٸپ الىپتى.
ول وتباسىن جالعىز اسىراۋشى.
ەيەل بالاسىنىڭ جۋاس ەكەنٸن, تٶبەلەسە المايتىنىن ايتىپ وتىر. ول سۇمدىق جاعداي ورىن العاندا اۋىلعا بارىپ, بالاسىنىڭ قۇقىعىن قورعاۋعا تىرىسقانىن ايتىپ وتىر. مەكتەپكە دە, پوليتسيياعا دا بارىپتى.
قازٸر ول بالاسىن سەنٸمدٸ ٶكٸل — قۇرمانعازى مٷسٸرگە سەنٸپ تاپسىرعانىن ايتىپ وتىر. بٸز شىنىمەن دە زورلىق فاكتٸسٸ ورىن الدى ما, سونى بٸلگٸمٸز كەلەدٸ. ساراپتاما ونى جوققا شىعارسا, بٸزدٸ ايىپتاۋشىلار تابىلاتىنىنا سەنٸمدٸمٸز, بٸز وعان دايىنبىز دا. بٸراق اق-قارانى انىقتاۋ — بٸزدٸڭ بورىشىمىز. سوندىقتان بالا ومبۋدسمەنٸنە بٸرگە ەرەكەت ەتۋدٸ, نە ٸستەپ جاتقانىمىزدان بٸر-بٸرٸمٸزدٸ حابارلاپ وتىرۋدى, بەرٸن جارييا جٷرگٸزۋگە كەلٸستٸك.
قازٸر بالانى بالالار ٷيٸنە ٶتكٸزٸپتٸ دەگەن جەلەۋ سٶز شىعىپ جاتىر. ول ٶتٸرٸك, بالا استانادا, بٸراق بالالار ٷيٸندە ەمەس. بالانىڭ ماماسى تەك سەنٸمدٸ ٶكٸلٸ قۇرمانعازى مٷسٸردٸڭ ايتقانىمەن ەرەكەت ەتەمٸن دەپ وتىر», — دەيدٸ ارۋجان.
بٷگٸن زاعيپا باليەۆا بالانىڭ اناسىن استاناعا شاقىرتقانىن جارييا ەتكەن ەدٸ.
