Bul týraly ol arnaiy baspasóz máslihaty kezinde aitty dep habarlady Tengrinews.kz.
«Bizge balanyń sheshesi habarlasty. Sóitip biz onymen kezdestik, janymyzda advokat boldy. Ol bizdiń kózimizshe balanyń apasyna qońyraý shaldy. Barlyq telefon óshirýli boldy.
Bala men apasy bar video shyqqan soń taraǵan sózge ol senbeidi. Óitkeni olar oralmandar, oryssha sóilei almaidy eken.
Abai aýylyna kóship kelgen. Biraq apasy jumysqa ornalasa almaǵan, sebebi otbasynda qaraýdy qajet etetin múgedek adam bar», — dedi Arýjan Sain Almatydaǵy baspasóz máslihatynda.
Qoǵam belsendisi bala sheshesiniń Astanaǵa attanyp ketkenin de aitty.
«Ol áiel saýaty tómen ekenin ózi moiyndady. Óitkeni 8-synyptan soń jumysqa shyǵyp ketipti. Dárethana jýǵan, ydys jýǵan. Al qazir ashanada jumys istep, bul isti jaqsy meńgerip alypty.
Ol otbasyn jalǵyz asyraýshy.
Áiel balasynyń jýas ekenin, tóbelese almaitynyn aityp otyr. Ol sumdyq jaǵdai oryn alǵanda aýylǵa baryp, balasynyń quqyǵyn qorǵaýǵa tyrysqanyn aityp otyr. Mektepke de, politsiiaǵa da barypty.
Qazir ol balasyn senimdi ókil — Qurmanǵazy Músirge senip tapsyrǵanyn aityp otyr. Biz shynymen de zorlyq faktisi oryn aldy ma, sony bilgimiz keledi. Saraptama ony joqqa shyǵarsa, bizdi aiyptaýshylar tabylatynyna senimdimiz, biz oǵan daiynbyz da. Biraq aq-qarany anyqtaý — bizdiń boryshymyz. Sondyqtan bala ombýdsmenine birge áreket etýdi, ne istep jatqanymyzdan bir-birimizdi habarlap otyrýdy, bárin jariia júrgizýge kelistik.
Qazir balany balalar úiine ótkizipti degen jeleý sóz shyǵyp jatyr. Ol ótirik, bala Astanada, biraq balalar úiinde emes. Balanyń mamasy tek senimdi ókili Qurmanǵazy Músirdiń aitqanymen áreket etemin dep otyr», — deidi Arýjan.
Búgin Zaǵipa Balieva balanyń anasyn Astanaǵa shaqyrtqanyn jariia etken edi.
