تٷركٸستان وبلىسىندا وقۋشىلار مەن مۇعالٸمدەردٸڭ يٸس تيٸپ, ۋلانۋىنا بايلانىستى مەكتەپ ديرەكتورىنىڭ ٷستٸنەن قىلمىستىق ٸس قوزعالدى. بٸلٸم ورداسىنىڭ باسشىسى “سانيتارلىق ەرەجەلەردٸ بۇزدى” دەگەن ايىپپەن تەرگەلۋ ٷستٸندە, دەپ حابارلايدى Dalanews.kz.
بۇل جاعداي تٷركٸستان وبلىسى سارىاعاش اۋدانىنا قاراستى ىنتىماق اۋىلىندا بولعان. ٶتكەن سەنبٸ كٷنٸ مايلىقوجا اتىنداعى مەكتەپتە ەكتەپ-سىرلاۋ جۇمىستارى جٷرگٸزٸلٸپ, ونى مۇعالٸمدەر اتقارعان. ال ساباققا كەلگەن بالالاردىڭ باستارى اۋىرىپ, ۋلانىپ قالعان. وسىلايشا ولار اۋرۋحاناعا جٶنەلتٸلٸپ, العاشقى مەديتسينالىق كٶمەك كٶرسەتٸلدٸ.
وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ ۋلانۋعا بايلانىستى دەرەكتٸ راستاعان بولاتىن.
ال سارىاعاش اۋدانىنىڭ پروكۋراتۋراسى بۇل جاعدايعا بايلانىستى تەرگەپ-تەرەكسەرۋ جۇمىستارى جٷرگٸزٸلٸپ جاتقانىن جەتكٸزدٸ.
“قىلمىستىق كودەكستٸڭ 304-بابىنىڭ 1-بٶلٸگٸمەن سانيتارييالىق قاعيدالاردى ابايسىزدا ادامداردىڭ جاپپاي ۋلانۋىنا ەكەپ سوققان بۇزۋ سوتقا دەيٸنگٸ تەرگەپ-تەكسەرۋ باستالدى. تەرگەۋ نەتيجەسٸمەن بارلىق كٸنەلٸ ادامداردىڭ ەرەكەتتەرٸنە قۇقىقتىق باعا بەرٸلەدٸ”, - دەپ مەلٸمدەدٸ پروكۋراتۋرا ٶكٸلدەرٸ.
ەستەرٸڭٸزگە سالا كەتەيٸك, مەكتەپ قابىرعاسى دەمالىس كٷندەرٸ سىرلانعان بولاتىن. دٷيسەنبٸ كٷنٸ تاڭعى ساباققا كەلگەن وقۋشىلار مەن مۇعالٸمدەر ٶزدەرٸن ناشار سەزٸنٸپ, باستارى قاتتى اۋىرعان. سالدارىنان مەكتەپكە جەدەل جەردەم شاقىرىلىپ, 29 بالا مەن 10 مۇعالٸم مەديتسينالىق مەكەمەگە جەتكٸزٸلدٸ.
